باتىس قازاقستان وبلىسىنىڭ اكىمى ناريمان تورەعالييەۆتىڭ توراعالىعىمەن شەگىرتكەگە قارسى كۇرەس جونىندەگى شتاب وتىرىسى ءوتتى،- دەپ حابارلايدى Dalanews.kz

جيىنعا وبلىس اكىمىنىڭ ورىنباسارى، وبلىس اكىمى اپپاراتىنىڭ باسشىسى، باسقارما باسشىلارى، قالا جانە اۋدان اكىمدەرى، سونداي-اق ورتالىق مەملەكەتتىك ورگانداردىڭ اۋماقتىق بولىمشەلەرىنىڭ باسشىلارى قاتىستى.

كەڭەس بارىسىندا ءوڭىر باسشىسىنا قازىرگى احۋال جانە قولعا الىنعان شارالار تۋرالى ەسەپ بەرىلدى. باياندامامەن ق ر اشم اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ بقو اۋماقتىق ينسپەكسياسىنىڭ باسشىسى ەرلان ورىنبايەۆ، وبلىستىق اۋىل شارۋاشىلىعى باسقارماسىنىڭ باسشىسى جاسۇلان حاليۋللين، سونداي-اق قاراتوبە، ءبورلى جانە تەرەكتى اۋداندارىنىڭ اكىمدەرى ءسوز سويلەدى.

بيىل وبلىس اۋماعىندا شەگىرتكە تۇقىمداس زيانكەستەرگە قارسى حيميالىق وڭدەۋ جۇمىستارىن 326،8 مىڭ گەكتار اۋماقتا جۇرگىزۋ جوسپارلانۋدا.

ونىڭ ىشىندە:

• رەسپۋبليكالىق بيۋدجەت ەسەبىنەن – 134،5 مىڭ گا جەردە جاپپاي شوعىرلانعان شەگىرتكەلەرگە قارسى؛
• وبلىستىق بيۋدجەت ەسەبىنەن – 192،3 مىڭ گا جەردە دارا تۇرلەرىنە قارسى وڭدەۋ جۇرگىزىلەدى.

ءوڭىر باسشىسى شەگىرتكەنىڭ ەگىستىك القاپتارىنا جانە اۋىل شارۋاشىلىعى سالاسىنىڭ تۇراقتىلىعىنا ەلەۋلى ءقاۋىپ توندىرەتىنىن اتاپ ءوتتى. ول بارلىق ءتيىستى قۇرىلىمداردىڭ بىرلەسىپ، جۇيەلى تۇردە جۇمىس جۇرگىزۋ قاجەتتىگىن ايتتى.

كەڭەس قورىتىندىسى بويىنشا ناريمان تورەعالييەۆ مونيتورينگتى كۇشەيتىپ، وڭدەۋ جۇمىستارىن ۋاقتىلى جۇرگىزۋدى قامتاماسىز ەتۋدى تاپسىردى.

احۋال وبلىس اكىمىنىڭ باقىلاۋىندا.