Búgin elimizde Naýryznama tujyrymdamasy aiasynda- 17 naýryz – Shańyraq kúni atalyp ótýde.
Osy aitýly kúnge orai Batys Qazaqstan oblysynyń ákimi Nariman Tóreǵaliev 50, 25 jyl bir shańyraq astynda tatý-tátti ómir súrip kele jatqan mereili otbasylarmen kezdesti.
"Barshańyzdy aldaǵy Naýryz merekesimen quttyqtaimyn! Ata-babalarymyz «Otan otbasynan bastalady» - dep beker aitpaǵan. Adam boiyndaǵy igi qasietter shańyraqtan bastaý alady. Óńirimizde memleket tarapynan otbasy institýtyn nyǵaitýǵa basa nazar aýdarylýda.
Qazirgi tańda oblys boiynsha 14 myńǵa jýyq kópbalaly analar bar, onyń ishinde 6 558 áiel jandar «Altyn alqa», «Kúmis alqa», «Batyr ana» iegerleri.
Oblysymyzda arnaiy 5 «otbasy ortalyqtary» jumys isteýde. Biylǵy jyly taǵy 3 aýdanda osyndai ortalyqtar ashýdy josparlap otyrmyz", - dedi oblys basshysy.
“Prezidentimiz Ulttyq quryltaida atap ótken otanshyldyq, birlik, yntymaq, ádildik, jaýapkershilik, eńbekqorlyq qundylyqtary otbasydan bastaý alady. Sondyqtan
Urpaq tárbiesine airyqsha mán berýimiz kerek”- dedi Nariman Tóreǵaliev.
Is-sharaǵa sondai-aq, jýyrda otaý qurǵan jas otbasylar da qatysty.
Jastar aldynda aǵa býyn ókilderi sóz sóilep, ómirlik keńesterimen bólisti.
