Básekelestikti qorǵaý jáne damytý agenttigi (BQDA) júrgizip jatqan jumys aiasynda bailanys qyzmetteri naryǵynda bar birqatar kedergiler anyqtady. Sonyń ishinde "Qazaqtelekom" AQ áreketterinde qyzmet qunyna monopoliialyq joǵary baǵa qoiý belgileri tirkeldi, dep habarlaidy Dalanews.kz.
"Máselen, 2024 jyly operatordyń internetke qol jetkizý tarifterinde jyldamdyǵy 100, 200 jáne 500 Mbit/sek. baǵanyń ósý qarqyny 20%-ǵa deiin jetti. Osyǵan bailanysty qazirgi tańda agenttik atalǵan operatorǵa qatysty básekelestikti qorǵaý salasyndaǵy zańnamany buzý derekteri boiynsha tergep-tekserý júrgizýde", delingen BQDA habarlamasynda.
Budan bólek, BQDA uialy bailanys qyzmetteriniń baǵa dinamikasyna taldaý júrgizdi.
"Onyń barysynda da monopoliialyq joǵary baǵa qoiý belgileri anyqtaldy. Qazirgi ýaqytta uialy bailanys operatoryna qatysty básekelestikti qorǵaý salasyndaǵy zańnamany buzý deregi boiynsha tergep-tekserý taǵaiyndaý máselesi qaralýda. Osylaisha, josparly básekelestik taldaýy barysynda kópqabatty turǵyn úilerde úidegi internet qyzmetterin kórsetý kezinde ózge bailanys operatorlarynyń kirýin qiyndatatyn kedergi anyqtaldy. Azamattardyń sapaly bailanys qyzmetterine qol jetkizýi ajyramas qajettilik bolǵandyqtan, kópqabatty turǵyn úilerde (internet qyzmetterin usyný úshin) symdy bailanys jelilerin básekeli jaǵdaida ornalastyrý erekshe mańyzǵa ie. Alaida qoldanystaǵy zańnamalyq shekteýler kei jaǵdaida turǵyn úilerge ózge operatorlardyń qyzmet kórsetýine múmkindik bermedi", dep naqtylaidy agenttik.
Sonymen qatar, operatorlardyń kabeldi káriz jelilerine qosylýǵa tehnikalyq sharttar týraly aqparat alýyn qiyndatatyn kedergi de anyqtaldy. Jergilikti monopoliia sýbektisi kabeldi-kárizdik jelilerge qosylýǵa ruqsat alý úshin suraý salynǵan jaǵdaida tehnikalyq sharttardy aqyly negizde beredi. Alaida tabiǵi monopoliialar týraly zańnamada mundai tólem alý qarastyrylmaǵan.
BQDA-nyń usynystary negizinde radiojiilik spektrin (RJS) bólý boiynsha saýda-sattyqqa qatysý úshin úmitkerden keminde 6 oblysty qamtityn keń aýqymdy telekommýnikatsiialyq jáne (nemese) uialy bailanys magistraldyq jelisiniń bolýyn mindetteitin talaptar normativtik aktilerden alynyp tastaldy.
"Bailanys týraly" qoldanystaǵy zańǵa virtýaldy operatorlardyń qyzmetin quqyqtyq retteýdi qamtamasyz etetin, sondai-aq uialy bailanys operatorlarynyń qýattaryn jalǵa alýǵa múmkindik beretin túzetýler engizildi. Bul bailanys naryǵyndaǵy básekeniń damýyna serpin beredi", dep tolyqtyrady BQDA.
Buǵan deiin "Samuryq-Energonyń" enshilesine 4,4 mlrd teńge aiyppul salynǵanyn jazǵanbyz.
