Keshe, 26 jeltoqsanda keshkisin Aqtaýda arnaiy ótkizilgen baspasóz máslihatynda premer-ministrdiń orynbasary Qanat Bozymbaev ushaqtyń apatqa ushyraýyna ne sebep bolǵandyǵy týraly merziminen buryn túrli nusqalar aitylyp qalyp jatqanyn aitty, dep jazady Dalanews.kz Zakon.kz-ǵa silteme jasap.
"...Qazir birqatar saraptamalar, sonyń ishinde zertteýler taǵaiyndaldy. Nátijesi shyqqanǵa deiin eshteńe aita almaimyz nemese qorytyndy jasamaimyz. Tergeý júrip jatyr. Biz Reseiden de, Ázirbaijannan da resmi boljam túrinde eshqandai aqparat alǵan joqpyz", - dedi ushaq apatyn tergeý jónindegi arnaiy komissiianyń basshysy.
Sondai-aq, ol Resei men Ázirbaijannyń quqyq qorǵaý organdary kriminalistikalyq tergeýge jiberilmeitinin aitty (QR QIJK-ge sáikes), biraq olar áýe apatyn tergeýge jiberiletin bolady.
Bozymbaev tergeý qorytyndylary jariialanǵanda ǵana apat sebebi aitylatynyn, al oǵan deiingi túrli dolbarlar tek alyp-qashpa sóz bolatynyn naqtylady.
Buǵan deiin QR TJM baspasóz qyzmeti ázirbaijan áýe kompaniiasyna tiesili ushaq apatynan qaza tapqandardyń tizimin jariialaǵan bolatyn. Qaiǵyly oqiǵa 25 jeltoqsanda túske qarai boldy. Bakýden Groznyiǵa baǵyt alǵan jolaýshylar ushaǵy Aqtaý áýejaiynyń mańynda apatqa ushyrady. Sońǵy aqparat boiynsha, 67 adamnyń 29-y aman qaldy, 38 jolaýshy qaza tapty, olardyń ishinde ushaq ekipajy da bar. Ushaqta Qazaqstannyń alty azamaty bolǵany belgili boldy, ókinishke qarai olardyń barlyǵy mert boldy. Oqiǵa ornynan ushaqtyń eki "qara jáshigi" tabyldy. Kólik ministri apattyń hrologiiasyn jariialady. Ol ushaqty jasap shyqqan Braziliia kompaniiasynyń mamandary kelmeiinshe, ashylmaityny aitylady. Sondai-aq ushaq apaty kezinde qaza tapqan alty qazaqstandyqtyń otbasylaryna qandai kómek túrleri kórsetiletini belgili boldy.
