كەشە, 26 جەلتوقساندا كەشكٸسٸن اقتاۋدا ارنايى ٶتكٸزٸلگەن باسپاسٶز مەسليحاتىندا پرەمەر-مينيستردٸڭ ورىنباسارى قانات بوزىمباەۆ ۇشاقتىڭ اپاتقا ۇشىراۋىنا نە سەبەپ بولعاندىعى تۋرالى مەرزٸمٸنەن بۇرىن تٷرلٸ نۇسقالار ايتىلىپ قالىپ جاتقانىن ايتتى, دەپ جازادى Dalanews.kz Zakon.kz-عا سٸلتەمە جاساپ.
"...قازٸر بٸرقاتار ساراپتامالار, سونىڭ ٸشٸندە زەرتتەۋلەر تاعايىندالدى. نەتيجەسٸ شىققانعا دەيٸن ەشتەڭە ايتا المايمىز نەمەسە قورىتىندى جاسامايمىز. تەرگەۋ جٷرٸپ جاتىر. بٸز رەسەيدەن دە, ەزٸربايجاننان دا رەسمي بولجام تٷرٸندە ەشقانداي اقپارات العان جوقپىز", - دەدٸ ۇشاق اپاتىن تەرگەۋ جٶنٸندەگٸ ارنايى كوميسسييانىڭ باسشىسى.
سونداي-اق, ول رەسەي مەن ەزٸربايجاننىڭ قۇقىق قورعاۋ ورگاندارى كريميناليستيكالىق تەرگەۋگە جٸبەرٸلمەيتٸنٸن ايتتى (قر قٸجك-گە سەيكەس), بٸراق ولار ەۋە اپاتىن تەرگەۋگە جٸبەرٸلەتٸن بولادى.
بوزىمباەۆ تەرگەۋ قورىتىندىلارى جارييالانعاندا عانا اپات سەبەبٸ ايتىلاتىنىن, ال وعان دەيٸنگٸ تٷرلٸ دولبارلار تەك الىپ-قاشپا سٶز بولاتىنىن ناقتىلادى.
بۇعان دەيٸن قر تجم باسپاسٶز قىزمەتٸ ەزٸربايجان ەۋە كومپانيياسىنا تيەسٸلٸ ۇشاق اپاتىنان قازا تاپقانداردىڭ تٸزٸمٸن جارييالاعان بولاتىن. قايعىلى وقيعا 25 جەلتوقساندا تٷسكە قاراي بولدى. باكۋدەن گروزنىيعا باعىت العان جولاۋشىلار ۇشاعى اقتاۋ ەۋەجايىنىڭ ماڭىندا اپاتقا ۇشىرادى. سوڭعى اقپارات بويىنشا, 67 ادامنىڭ 29-ى امان قالدى, 38 جولاۋشى قازا تاپتى, ولاردىڭ ٸشٸندە ۇشاق ەكيپاجى دا بار. ۇشاقتا قازاقستاننىڭ التى ازاماتى بولعانى بەلگٸلٸ بولدى, ٶكٸنٸشكە قاراي ولاردىڭ بارلىعى مەرت بولدى. وقيعا ورنىنان ۇشاقتىڭ ەكٸ "قارا جەشٸگٸ" تابىلدى. كٶلٸك مينيسترٸ اپاتتىڭ حرولوگيياسىن جارييالادى. ول ۇشاقتى جاساپ شىققان برازيلييا كومپانيياسىنىڭ ماماندارى كەلمەيٸنشە, اشىلمايتىنى ايتىلادى. سونداي-اق ۇشاق اپاتى كەزٸندە قازا تاپقان التى قازاقستاندىقتىڭ وتباسىلارىنا قانداي كٶمەك تٷرلەرٸ كٶرسەتٸلەتٸنٸ بەلگٸلٸ بولدى.
