Ázerbaijannan Túrkiiaǵa baǵyt alǵan C-130 tipti áskeri ushaq Grýziia men Ázerbaijan shekarasynda apatqa ushyrady, dep habarlaidy Dalanews.kz.
Izdestirý-qutqarý jumystary jalǵasýda. Bul týraly Túrkiianyń Ulttyq qorǵanys ministrligi túrik áleýmettik platformasy NSosyal-da jariialaǵan habarlamasynda málim etti.
"Ázerbaijannan bizdiń elimizge baǵyt alǵan S-130 áskeri ushaǵymyz Grýziia men Ázerbaijan shekarasynda qulady. Izdestirý-qutqarý jumystary Ázerbaijan jáne Grýziia bilikterimen úilestirile otyryp bastaldy", – delingen habarlamada.
Túrkiianyń Ulttyq qorǵanys ministrligi Grýziia men Ázerbaijan shekarasynda qulaǵan áskeri júk ushaǵynyń synyqtary tabylǵanyn habarlady. Apattyń sebebi ushaq apattaryn zertteý jónindegi komissiia júrgizetin egjei-tegjeili tergeý nátijesinde anyqtalmaq.
"Grýziianyń izdestirý-qutqarý toptary ushaqtyń qulaǵan jerine jergilikti ýaqyt boiynsha saǵat 17:00-de jetti. Ushaqtyń synyqtary bizdiń áýeapattardy tergeý tobynyń tekserýin júrgizý úshin kúzetke alyndy. Bizdiń tergeý toby sol aimaqqa jol tartty. Ushaqtyń qulaý sebebi apat ornynda bizdiń tergeý toby júrgizetin egjei-tegjeili tekseristiń nátijesinde anyqtalady", delingen ministrlik málimdemesinde.
Túrkiianyń Ulttyq qorǵanys ministrligi Grýziia men Ázerbaijan shekarasynda apatqa ushyraǵan S-130 áskeri ushaǵynda 20 adamnyń, sonyń ishinde ekipaj músheleriniń bolǵanyn habarlady.
"Qulaǵan ushaq bortynda ekipajdy qosqanda 20 adam bolǵan. Ushaqtyń qulaǵan jerinde izdestirý-qutqarý jumystary jalǵasýda", – delingen ministrliktiń málimdemesinde.
Túrkiia prezidenti Rejep Taiyp Erdoǵan Grýziianyń premer-ministri Iraklii Kobahidzemen telefon arqyly sóilesti.
Prezidenttiń baspasóz qyzmeti taratqan aqparatqa sáikes, áńgime barysynda Túrkiia ÁÁK áskeri-transporttyq ushaǵynyń Grýziiada qulaǵan jerindegi izdestirý-qutqarý jumystarynyń sońǵy barysy talqylandy.
Grýziia premer-ministri Kobahidze apat saldarynan qaza tapqan túrik áskeri qyzmetkerlerine bailanysty prezident Erdoǵanǵa kóńil aitty. Al Erdoǵan premer-ministrge bildirgen kóńili men qoldaýy úshin alǵys aitqan.
11 qarashada keshki ýaqytta memleket basshysy Qasym-Jomart Toqaev Túrkiia qarýly kúshteri ushaǵynyń apatqa ushyraýyna bailanysty kóptegen adamnyń qaitys bolǵany týraly sýyt habardy kúizelispen qabyldaǵanyn jetkizip, Prezident Rejep Taiip Erdoǵan men baýyrlas túrik halqyna kóńil aitty.
