ەزەربايجاننان تٷركيياعا باعىت العان C-130 تيپتٸ ەسكەري ۇشاق گرۋزييا مەن ەزەربايجان شەكاراسىندا اپاتقا ۇشىرادى, دەپ حابارلايدى Dalanews.kz.
ٸزدەستٸرۋ-قۇتقارۋ جۇمىستارى جالعاسۋدا. بۇل تۋرالى تٷركييانىڭ ۇلتتىق قورعانىس مينيسترلٸگٸ تٷرٸك ەلەۋمەتتٸك پلاتفورماسى NSosyal-دا جارييالاعان حابارلاماسىندا مەلٸم ەتتٸ.
"ەزەربايجاننان بٸزدٸڭ ەلٸمٸزگە باعىت العان س-130 ەسكەري ۇشاعىمىز گرۋزييا مەن ەزەربايجان شەكاراسىندا قۇلادى. ٸزدەستٸرۋ-قۇتقارۋ جۇمىستارى ەزەربايجان جەنە گرۋزييا بيلٸكتەرٸمەن ٷيلەستٸرٸلە وتىرىپ باستالدى", – دەلٸنگەن حابارلامادا.
تٷركييانىڭ ۇلتتىق قورعانىس مينيسترلٸگٸ گرۋزييا مەن ەزەربايجان شەكاراسىندا قۇلاعان ەسكەري جٷك ۇشاعىنىڭ سىنىقتارى تابىلعانىن حابارلادى. اپاتتىڭ سەبەبٸ ۇشاق اپاتتارىن زەرتتەۋ جٶنٸندەگٸ كوميسسييا جٷرگٸزەتٸن ەگجەي-تەگجەيلٸ تەرگەۋ نەتيجەسٸندە انىقتالماق.
"گرۋزييانىڭ ٸزدەستٸرۋ-قۇتقارۋ توپتارى ۇشاقتىڭ قۇلاعان جەرٸنە جەرگٸلٸكتٸ ۋاقىت بويىنشا ساعات 17:00-دە جەتتٸ. ۇشاقتىڭ سىنىقتارى بٸزدٸڭ ەۋەاپاتتاردى تەرگەۋ توبىنىڭ تەكسەرۋٸن جٷرگٸزۋ ٷشٸن كٷزەتكە الىندى. بٸزدٸڭ تەرگەۋ توبى سول ايماققا جول تارتتى. ۇشاقتىڭ قۇلاۋ سەبەبٸ اپات ورنىندا بٸزدٸڭ تەرگەۋ توبى جٷرگٸزەتٸن ەگجەي-تەگجەيلٸ تەكسەرٸستٸڭ نەتيجەسٸندە انىقتالادى", دەلٸنگەن مينيسترلٸك مەلٸمدەمەسٸندە.
تٷركييانىڭ ۇلتتىق قورعانىس مينيسترلٸگٸ گرۋزييا مەن ەزەربايجان شەكاراسىندا اپاتقا ۇشىراعان س-130 ەسكەري ۇشاعىندا 20 ادامنىڭ, سونىڭ ٸشٸندە ەكيپاج مٷشەلەرٸنٸڭ بولعانىن حابارلادى.
"قۇلاعان ۇشاق بورتىندا ەكيپاجدى قوسقاندا 20 ادام بولعان. ۇشاقتىڭ قۇلاعان جەرٸندە ٸزدەستٸرۋ-قۇتقارۋ جۇمىستارى جالعاسۋدا", – دەلٸنگەن مينيسترلٸكتٸڭ مەلٸمدەمەسٸندە.
تٷركييا پرەزيدەنتٸ رەجەپ تايىپ ەردوعان گرۋزييانىڭ پرەمەر-مينيسترٸ يراكليي كوباحيدزەمەن تەلەفون ارقىلى سٶيلەستٸ.
پرەزيدەنتتٸڭ باسپاسٶز قىزمەتٸ تاراتقان اقپاراتقا سەيكەس, ەڭگٸمە بارىسىندا تٷركييا ەەك ەسكەري-ترانسپورتتىق ۇشاعىنىڭ گرۋزييادا قۇلاعان جەرٸندەگٸ ٸزدەستٸرۋ-قۇتقارۋ جۇمىستارىنىڭ سوڭعى بارىسى تالقىلاندى.
گرۋزييا پرەمەر-مينيسترٸ كوباحيدزە اپات سالدارىنان قازا تاپقان تٷرٸك ەسكەري قىزمەتكەرلەرٸنە بايلانىستى پرەزيدەنت ەردوعانعا كٶڭٸل ايتتى. ال ەردوعان پرەمەر-مينيسترگە بٸلدٸرگەن كٶڭٸلٸ مەن قولداۋى ٷشٸن العىس ايتقان.
11 قاراشادا كەشكٸ ۋاقىتتا مەملەكەت باسشىسى قاسىم-جومارت توقاەۆ تٷركييا قارۋلى كٷشتەرٸ ۇشاعىنىڭ اپاتقا ۇشىراۋىنا بايلانىستى كٶپتەگەن ادامنىڭ قايتىس بولعانى تۋرالى سۋىت حاباردى كٷيزەلٸسپەن قابىلداعانىن جەتكٸزٸپ, پرەزيدەنت رەجەپ تاييپ ەردوعان مەن باۋىرلاس تٷرٸك حالقىنا كٶڭٸل ايتتى.
