Prezidenttiń tapsyrmasyn iske asyrý maqsatynda Shyǵys Qazaqstan oblysy, Borodýliha aýdanyna qarasty Zenkovka aýylynda jeltoqsan aiynyń sońynda mańyzdy oqiǵa oryn aldy. Aýylda «Zenkovka» jastar hokkei klýbynyń tárbielenýshilerine ShQO dene shynyqtyrý jáne sport basqarmasy satyp alǵan 27 jup konki, qaqpashy nysany jáne basqa da oiyn jabdyqtary syiǵa tartyldy. Komandany aýdan ákiminiń orynbasary E.Selihanov, okrýg ákimi D. Asaýbaev, BJSM, dene shynyqtyrý jáne sport bóliminiń mamandary quttyqtady.
Sonymen qatar, osy kúnderi sporttyq jetistikterimen áigili Petropavlovka aýylynda ákimdiktiń bastamasymen aýdany 800 sharshy metr muz aidyny ashyldy, al Óskemen qalasynyń «Torpedo» hokkei klýby aýyl jastaryna 10 hokkei taiaqshasy men 10 konki syilady.
