Batys Qazaqstan oblysynda daýyldy boran kezinde joǵalyp, qaza tapqan tórt adamǵa qatysty tergeý bastaldy, dep habarlaidy Dalanews.kz.
Oblystyq politsiia departamentiniń baspasóz qyzmetiniń málimetinshe, qazir sotqa deiingi tergep-tekserý júrgizilip jatyr.
Sonymen qatar, bul iske memlekettik eńbek inspektsiiasy da kiristi. Qaza tapqandardyń ekeýi fermerlik sharýashylyqta jaldanyp jumys istegen.
Marqum qoishylardyń týystary aýdandyq tótenshe jaǵdailar bólimderi qyzmetkerleriniń áreketteri de tekserilýi kerek dep sanaidy. Olar qutqarý jumystary barysynda jaýapty organdardyń qolynan kelgenniń bári jasaldy ma, zań aiasynda tiisti sharalar tolyq oryndaldy ma – sony anyqtaýdy talap etip otyr.
Eske salaiyq, 15 jeltoqsanda Batys Qazaqstanda tórt adam úsik shalyp qaitys boldy.
Olar - Jánibek aýdanynyń 57 jastaǵy, 59 jastaǵy eki turǵyny, Bókei ordasy aýdanynyń 25 jastaǵy jáne Qaztalov aýdanynyń 35 jastaǵy turǵyny.
