Almatydaǵy áigili Medeý muz aidynynyń irgesinde boi kóterip jatqan "Medeu Park Hotel" elitalyq qonaq úi kesheniniń qurylysy áýelde 2022 jyldyń sońyna qarai aiaqtalady dep josparlanǵan. Alaida joba belgili kásipker Qairat Boranbaevtyń kompaniiasyna tiesili bolǵandyqtan, onyń qamaýǵa alynýy qurylys qarqynyna tikelei áser etken, dep habarlaidy Dalanews.kz.
"Kýrsiv" basylymy Almaty qalasynyń qala qurylysy baqylaý basqarmasyna suranys joldap, nysannyń qazirgi jaǵdaiyn anyqtap kórdi.
2023 jyldyń naýryzynda Qairat Boranbaevqa sot úkimi shyqqan soń, sáýir aiynda "Medeu Park Hotel" kompaniiasy qurylys jumystaryn qaita bastap jatqany týraly habar bergen. Sodan beri qurylys jalǵasyp keledi.
"Qazirgi ýaqytta qonaq úidiń ishki árleý jumystary men alańishilik injenerlik jelilerdi júrgizý jumystary júrip jatyr", – dep málimdedi qala qurylysy baqylaý basqarmasy.
Degenmen qurylys merziminiń nelikten uzaryp ketkenine sheneýnikter naqty jaýap bere almady.
Qonaq úidiń resmi saity joq, biraq Instagram paraqshasynda keshenniń ashylýy 2025 jylǵa josparlanǵany kórsetilgen. Al qurylys nysanynyń tólqujatynda jumys jeltoqsan aiynda aiaqtalady dep jazylǵan.
"Medeu Park Hotel" jaýapkershiligi shekteýli seriktestigi áli kúnge deiin Qairat Boranbaev tolyq ielik etetin eki kompaniianyń – "AADT" JShS men "ALMALY" aktivterdi basqarý kompaniiasynyń basqarýynda qalyp otyr.
2021 jyldan beri Medeu Park Hotel memleketke 72,8 million teńge kóleminde salyq tólegen. Eń az tólem 2024 jyly tirkelgen – nebári 6 550 teńge. Al 2025 jyldyń alǵashqy toqsanynda qazynaǵa 27,7 million teńge túsken.
