Jyl basynan beri uiymdasqan qylmysqa qarsy kúres bólinisteriniń qyzmetkerleri 14 kúdiktini ustady. Olar ózderin politsiia qyzmetkerleri retinde kórsetip, azamattardan aqsha bopsalap, alaiaqtyqpen jáne qylmystyq “qamqorlyq kórsetýmen” ainalysqan, dep habarlaidy Dalanews.kz.
Qarashada Shymkentte bir top adam ózderin politsiia qyzmetkerleri retinde tanystyryp, “qamqorlyǵy” úshin ai saiyn 1,5 mln teńge alyp otyrǵan.
Dál sol siiaqty Aqtóbede eki jas jigit qalanyń eki turǵynyna zorlyq-zombylyq kórsetip, 300 myń teńge alǵan.
Qonaevta uiymdasqan qylmysqa qarsy kúres basqarmasynyń qyzmetkerleri Almaty oblysynyń eki turǵynyn ustady. Olar ózderin jedel ýákil retinde kórsetip, jábirlenýshiden 500 myń teńge bopsalaǵan. Jalǵan qyzmettik kýálikter, qujattar jáne nysandy kiim tárkilendi. Kúdiktiler qamaýǵa alyndy.
“Aita ketý kerek, zamanaýi tehnologiialar alaiaqtarǵa yqtimal qurbandar týraly ártúrli aqparatty ońai alýǵa múmkindik beredi. Bul olardyń qylmystyq shemalaryn kúdik týǵyzbaityndai senimdi etip kórsetedi. Qylmyskerler adamdardy manipýliatsiialaý úshin psihologiialyq ádisterdi qoldanady. Jalǵan politsiia qyzmetkerlerin ustaý – bul qaýipsizdik máselesi ǵana emes, azamattardyń quqyǵyn qorǵaýdyń mańyzdy bóligi.
Azamattardyń qyraǵylyǵy mundai qylmystardyń sanyn edáýir tómendetýi múmkin. IIM kez kelgen zańsyz áreketter týraly politsiiaǵa dereý habarlaýdy suraidy. Bul baǵyttaǵy profilaktikalyq jumystar jalǵasyp jatyr”, – dedi IIM uiymdasqan qylmysqa qarsy kúres departamentiniń ókili Qýandyq Alpys.
