Ministrlik ókili bul áreketter kólik satyp ákelýge ketken shyǵyndy tolyqtai aqtamasa da, bir bóligin óndirýge múmkindik beredi degen pikirde.
«Endi ne isteý kerek degenge kelsek, tym bolmaǵanda shyǵynnyń bir bóligin óndirip alýdyń túrli joly bar. Ondai kólikterge tehnikalyq reglament ruqsat beretin elderge ótkizýge bolady. Avtomashinany qosalqy bólshek túrinde satýǵa bolady.
Kólik ákelingen elge qaita aparyp, onyń sapasy men kedendik tólemderi týraly jalǵan aqparat aitqan, sol arqyly jańyldyryp satqan adamǵa qarsy sot shaǵymyn túsirýge bolady. Bul jerde jaǵdai ár túrli. Ár jaǵdaidy jeke taldap, adamdarǵa soǵan sáikes áreket algoritmin usynyp jatyrmyz», – dedi ministrdiń orynbasary.
Marat Qojaevtyń aitýynsha, keiingi 3 jylda el aýmaǵyna syrttan 200 myńnan astam kólik kiripti.
Onyń 40 myńy barlyq kedendik talaptardy saqtai otyryp engizilgendikten, ieleri erkin aidap júrgen kórinedi. 200 myń kóliktiń ishinde Qazaqstan arqyly tranzittik saparmen ótken jáne sheteldik kásiporyndardyń ieligine ýaqytsha tirkelgen tehnikalar da bar.
