Qazaqstandaǵy barlyq kómir óndirýshi kompaniia ókilderi Úkimettiń kómir salasyn Energetika ministrligine ótkizý týraly sheshimine narazylyq bildirdi. Bul týraly Taý-ken metallýrgiia kásiporyndary qaýymdastyǵy (AGMP) atqarýshy direktorynyń keńesshisi Tólegen Muhanov Indýstriia jáne qurylys ministrliginiń keńeitilgen alqa jiynynda málimdedi, dep jazady Dalanews.kz.
"Indýstriia ministrligi qazirdiń ózinde kómir salasyn damytý boiynsha aitarlyqtai úlken jumystar atqarýda. Alaida taiaýda ǵana úkimet kómir ónerkásibin Energetika ministrliginiń quzyryna berý jaily sheshim qabyldaǵan", dep inbusiness.kz Tólegen Muhanovtyń sózin keltiredi.
"Biz osyǵan bailanysty shuǵyl keńes ótkizip, júrgizgen saýalnama nátijesi boiynsha barlyq kómir óndirýshi kompaniialardyń ókilderi kómir salasynyń ónerkásip jáne qurylys ministrliginiń quzyretinen shyǵýyna jol bermeý týraly usynysty biraýyzdan qoldady", - dedi Tólegen Muhanov.
Alaida, vitse-premer Roman Skliar halyqaralyq tájiribege sáikes kómir salasyn Energetika ministrligi basqaratynyn, ol tek Qazaqstanda ǵana Indýstriia ministrligine qaramaǵyna qaraitynyn eske saldy. Óz kezeginde. Tólegen Muhanovtyń Energetika ministrliginiń ózi qazirdiń ózinde túrli baǵyttaǵy mindettemelermen ainalysyp otyrǵanyn, sondyqtan kómir salasynyń máseleleri ekinshi orynǵa syrǵýy múmkin degen qaýpi bar.
"Qoǵamdyq birlestik pen kómir kompaniialarynyń atynan bizdiń bildiretin ótinish - kómirdi ónerkásip ministrliginiń qaramaǵynda qaldyrý. Bul máseleni sheshý úshin biz premer-ministr men Memleket basshysyna da júginýge daiynbyz", - dedi ol.
Buǵan deiin elimizde altyn, kúmis, tsink oryndary aýktsionǵa shyǵarylǵaly jatqanyn, onyń keibirin qytailyq kompaniialar ielengenin jazǵanbyz.
