Bolat Nazarbaevtyń úlesindegi Qordai bazarynyń jeri memleketke qaitaryldy
2004 jyly Qordai aýdany ákimdiginiń jáne Qordai aýyldyq okrýgi ákiminiń aktilerimen B.N. Nazarbaevqa tiesili «Qarasai BN-Taraz» JShS-ǵa «Barys-2» saýda keshenine qyzmet kórsetý úshin aýdany 34,3017 ga ýchaske berilgen.
"Ýchaskeni berý kezinde onyń tártibi buzylǵan, atap aitqanda aýyl sharýashylyǵy maqsatyndaǵy erekshe qorǵalýǵa jatatyn aýdany 22,25 ga sýarmaly egistik jerlerdiń bir bóligi bazarǵa qyzmet kórsetý úshin berilgen.
Osyǵan bailanysty aýdan prokýratýrasy aýdan jáne aýyldyq okrýg ákimdikteriniń aktilerin, satyp alý-satý sharttaryn jaramsyz dep taný jáne kúshin joiý týraly sotqa talap qoiý berdi", - dep jazdy Jambyl oblysy prokýratýrasynan.
Jambyl oblystyq sotynyń azamattyq ister jónindegi sot alqasynyń 2023 jylǵy 28 jeltoqsandaǵy qaýlysymen «Qarasai BN-Taraz» JShS-men Qordai aýdany ákimdiginiń Jer qatynastary bólimi arasyndaǵy 24.07.2007 jylǵy №81 jáne №82 jer ýchaskelerin satyp alý-satý, jer ýchaskelerin óteýsiz berý týraly «Qordai Invest» JShS-nyń barlyq sharttary jaramsyz dep tanylyp, kúshteri joiyldy.
Sot qaýlysy 28.12.2023 jyly zańdy kúshine endi, jer ýchaskelerine memlekettik aktilerdiń kúshi joiyldy.
