Bolat Nazarbaevtyń "oń qoly" Qospaevtyń bazaryn sheteldikterge satpaq bolǵandar usaldy

QMA sot úkimi boiynsha tárkilenýge jatatyn tyiym salynǵan múlikti zańsyz satý faktisi boiynsha tergeý júrgizýde, dep habarlaidy Dalanews.kz.

Eske salsaq, buǵan deiin Agenttik "AV-Construction" JShS, "Stekolnyi zavod" JShS, "Shalqar 17" JShS, "Bahar-A" JShS jáne basqa da kásiporyndardy reiderlik basyp alý faktileri boiynsha Qospaevtyń UQT qatysty tergeýdi aiaqtaǵan bolatyn.

Tárkileýdi qamtamasyz etý maqsatynda sot quryltaishysy Aidos Qospaev bolyp tabylatyn "Nikolsky Investment" JShS tiesili Almaty qalasyndaǵy "Nikolskii" bazarynyń aýmaǵynda ornalasqan jer ýchaskesi men múlikke tyiym salǵan.

Alaida, aǵymdaǵy jyldyń qyrkúiek aiynda «Azamattarǵa arnalǵan úkimet» KEAQ bazasyna jalǵan aqparat engizý arqyly bazardy sheteldikterge satý maqsatynda bógde adamdarǵa qaita resimdeý júzege asyrylyp, shekteýler alynyp tastalǵan.

Aǵymdaǵy jyldyń 5 qazanynda quny 2,2 mlrd teńge bolatyn múlik pen jer ýchaskesi sheteldik investorlarǵa odan ári satý maqsatynda bógde tulǵalarǵa qaita resimdelgen.

Agenttik alaiaqtyq úshin buryn sottalǵan úsh adamdy anyqtap, ustady. Olarǵa qatysty sot sanktsiiasymen «Qamaýda ustaý» túrindegi bultartpaý sharasy tańdaldy.

Sondai-aq, jalǵan qujattar jasap, múlikti ielikten shyǵarýǵa yqpal etken sybailas anyqtaldy.Tergeý jalǵasýda. 

Aita keteiik, Eldos Qospaevtyń soty jabyq rejimde ótedi. Qospaevty qylmys álemindegiler "adam jegish" dep ataidy. Qylmystyq is boiynsha aiyptalýshy 11 adam, olar:

Eldos Qospaev, Aidos Qospaev, Aibek Qospaev, Erlan Imashev,Rýslan Shalin, Oksana Kýdriasheva,Timýr Tanashev,Aleksei Kýznetsov,Dastan Abijanov,Raýan Babaev,Asar Altynbasarov.

Bul adamdardyń bári reiderlik jasap, adam urlap, qylmystyq top qurǵan jáne jalǵan qujattar jasaǵan dep aiyptalyp otyr. 

Buǵan deiin Ulttyq qaýipsizdik komiteti bylaiǵy ortada Bolat Nazarbaevtyń senimdi ókili sanalyp kelgen Eldos Qospaev bastaǵan qylmystyq toptyń 7 múshesin Soltústik Kiprden Qazaqstanǵa jetkizgenin málimdegen edi. Bul operatsiia byltyr 6 qyrkúiekte júzege asyryldy.

Bul topqa QR Qarjylyq monitoringi agenttigi reiderlik jasady, uiymdasqan qylmystyq top qurdy jáne oǵan qatysty degen kúdikpen halyqaralyq izdeý jariialaǵan bolatyn.

Osylaisha Jambyl oblysynyń bas prokýrory Nurǵalym Ábdirov Eldos Qospaevtyń qylmystyq toby elden shekaradaǵy salǵyrttyq saldarynan qashyp ketkenin aitty. 

"Qordaidaǵy tártipsizdikter kezinde memlekettik organdardyń jumysy durys emes ekeni anyqtaldy. Onyń ishinde, memlekettik shekaranyń senimsiz bolýy da bar. Shekara qyzmetin baqylaý bizdiń quzyrymyzdaǵy nárse emes. Biraq bizdiń oblysymyz shekarada turǵandyqtan shekara qaýipsizdigi máseleleri bizdiń baqylaýymyzsyz qalmaidy. Bul jumysqa quqyq qorǵaý organdary ǵana emes, jergilikti atqarýshy organdar da tartylady. 

(...)

Sońǵy jyldary Qazaqstandy Eýropaǵa ótý úshin Ońtústik Aziia azamattarynyń (Pákistan, Nepal, Bangladesh, Aýǵanstan) tranzittik el retinde paidalaný jaǵdailary jiilep ketti. Qazir biz qylmystyq elementterdi qoldana alatyn shekaranyń tar jáne álsiz jerlerin alyp tastaýmen ainalysamyz", - dedi Ábdirov Orda.kz-ke bergen suhbatynda.