Qazaqstan Aziia infraqurylymdyq investitsiialar bankimen áriptestik týraly negizdemelik kelisimdi ratifikatsiialaýdy josparlap otyr, dep habarlaidy dalanews.kz.
Qujat investitsiialyq jobalardy qarjylandyrýǵa jáne infraqurylymdy jańǵyrtýǵa múmkindik beredi.
Bul týraly Quryltai otyrysynda «Qazaqstan Respýblikasynyń Úkimeti men Aziia Infraqurylymdyq Investitsiialar Banki arasyndaǵy áriptestik týraly negizdemelik kelisimdi ratifikatsiialaý týraly» zań jobasyn tanystyrǵan Qairat Aitýǵanov málimdedi.
Zań jobasy Májiliske 30 maýsymda engizilgen. Kelisimge 9 aqpanda Astanada Aziia infraqurylymdyq investitsiialar bankiniń prezidenti Tszoý hanymnyń resmi sapary aiasynda qol qoiylǵan.
Kelisimniń negizgi maqsaty – investitsiialyq jobalardy tiimdi ári jedel júzege asyrýǵa jaǵdai jasaý.
Qujat kólik jáne logistika, «jasyl» energetika, tsifrlandyrý, turǵyn úi-kommýnaldyq sharýashylyǵy men injenerlik kommýnikatsiialardy jańǵyrtý baǵyttaryndaǵy aýqymdy jobalardy tiimdi sharttarmen qarjylandyrýǵa jol ashady.
Qairat Aitýǵanovtyń aitýynsha, kelisimdi ratifikatsiialaý Qazaqstannyń álemdegi jetekshi qarjy institýttary úshin senimdi ári boljamdy áriptes retindegi mártebesin nyǵaitady.
Tartylatyn investitsiialar memlekettik basym mindetterdi, sonyń ishinde Qazaqstandy damytý strategiiasyn iske asyrýǵa, memlekettik-jekeshelik áriptestik arqyly jeke bastamalardy qoldaýǵa jáne jańa jumys oryndaryn qurýǵa baǵyttalady.
Zań jobasy boiynsha turaqty komitetterden oń qorytyndylar alynǵan. Sonymen qatar jumys tobynyń jáne komitettiń keńeitilgen otyrystary ótkizilip, qujatqa qatysty usynystar túspegen.
Qairat Aitýǵanov zań jobasyn birinshi oqylymda qoldaýdy usyndy.
