قما سوت ۇكىمى بويىنشا تاركىلەنۋگە جاتاتىن تىيىم سالىنعان مۇلىكتى زاڭسىز ساتۋ فاكتىسى بويىنشا تەرگەۋ جۇرگىزۋدە، دەپ حابارلايدى Dalanews.kz.

ەسكە سالساق، بۇعان دەيىن اگەنتتىك "AV-Construction" ج ش س، "ستەكولنىي زاۆود" ج ش س، "شالقار 17" ج ش س، "باحار-ا" ج ش س جانە باسقا دا كاسىپورىنداردى رەيدەرلىك باسىپ الۋ فاكتىلەرى بويىنشا قوسپايەۆتىڭ ۇقت قاتىستى تەرگەۋدى اياقتاعان بولاتىن.

تاركىلەۋدى قامتاماسىز ەتۋ ماقساتىندا سوت قۇرىلتايشىسى ايدوس قوسپايەۆ بولىپ تابىلاتىن "Nikolsky Investment" ج ش س تيەسىلى الماتى قالاسىنداعى "نيكولسكيي" بازارىنىڭ اۋماعىندا ورنالاسقان جەر ۋچاسكەسى مەن مۇلىككە تىيىم سالعان.

الايدا، اعىمداعى جىلدىڭ قىركۇيەك ايىندا «ازاماتتارعا ارنالعان ۇكىمەت» كەاق بازاسىنا جالعان اقپارات ەنگىزۋ ارقىلى بازاردى شەتەلدىكتەرگە ساتۋ ماقساتىندا بوگدە ادامدارعا قايتا رەسىمدەۋ جۇزەگە اسىرىلىپ، شەكتەۋلەر الىنىپ تاستالعان.

اعىمداعى جىلدىڭ 5 قازانىندا قۇنى 2،2 ملرد تەڭگە بولاتىن مۇلىك پەن جەر ۋچاسكەسى شەتەلدىك ينۆەستورلارعا ودان ءارى ساتۋ ماقساتىندا بوگدە تۇلعالارعا قايتا رەسىمدەلگەن.

اگەنتتىك الاياقتىق ءۇشىن بۇرىن سوتتالعان ءۇش ادامدى انىقتاپ، ۇستادى. ولارعا قاتىستى سوت سانكسياسىمەن «قاماۋدا ۇستاۋ» تۇرىندەگى بۇلتارتپاۋ شاراسى تاڭدالدى.

سونداي-اق، جالعان قۇجاتتار جاساپ، مۇلىكتى يەلىكتەن شىعارۋعا ىقپال ەتكەن سىبايلاس انىقتالدى.تەرگەۋ جالعاسۋدا. 

ايتا كەتەيىك، ەلدوس قوسپايەۆتىڭ سوتى جابىق رەجيمدە وتەدى. قوسپايەۆتى قىلمىس الەمىندەگىلەر "ادام جەگىش" دەپ اتايدى. قىلمىستىق ءىس بويىنشا ايىپتالۋشى 11 ادام، ولار:

ەلدوس قوسپايەۆ، ايدوس قوسپايەۆ، ايبەك قوسپايەۆ، ەرلان يماشيەۆ،رۋسلان شالين، وكسانا كۋدرياشيەۆا،تيمۋر تاناشيەۆ،الەكسەي كۋزنەسوۆ،داستان ابيجانوۆ،راۋان بابايەۆ،اسار التىنباساروۆ.

بۇل ادامداردىڭ ءبارى رەيدەرلىك جاساپ، ادام ۇرلاپ، قىلمىستىق توپ قۇرعان جانە جالعان قۇجاتتار جاساعان دەپ ايىپتالىپ وتىر. 

بۇعان دەيىن ۇلتتىق قاۋىپسىزدىك كوميتەتى بىلايعى ورتادا بولات نازاربايەۆتىڭ سەنىمدى وكىلى سانالىپ كەلگەن ەلدوس قوسپايەۆ باستاعان قىلمىستىق توپتىڭ 7 مۇشەسىن سولتۇستىك كيپردەن قازاقستانعا جەتكىزگەنىن مالىمدەگەن ەدى. بۇل وپەراسيا بىلتىر 6 قىركۇيەكتە جۇزەگە اسىرىلدى.

بۇل توپقا ق ر قارجىلىق مونيتورينگى اگەنتتىگى رەيدەرلىك جاسادى، ۇيىمداسقان قىلمىستىق توپ قۇردى جانە وعان قاتىستى دەگەن كۇدىكپەن حالىقارالىق ىزدەۋ جاريالاعان بولاتىن.

وسىلايشا جامبىل وبلىسىنىڭ باس پروكۋرورى نۇرعالىم ءابدىروۆ ەلدوس قوسپايەۆتىڭ قىلمىستىق توبى ەلدەن شەكاراداعى سالعىرتتىق سالدارىنان قاشىپ كەتكەنىن ايتتى. 

"قوردايداعى تارتىپسىزدىكتەر كەزىندە مەملەكەتتىك ورگانداردىڭ جۇمىسى دۇرىس ەمەس ەكەنى انىقتالدى. ونىڭ ىشىندە، مەملەكەتتىك شەكارانىڭ سەنىمسىز بولۋى دا بار. شەكارا قىزمەتىن باقىلاۋ ءبىزدىڭ قۇزىرىمىزداعى نارسە ەمەس. ءبىراق ءبىزدىڭ وبلىسىمىز شەكارادا تۇرعاندىقتان شەكارا قاۋىپسىزدىگى ماسەلەلەرى ءبىزدىڭ باقىلاۋىمىزسىز قالمايدى. بۇل جۇمىسقا قۇقىق قورعاۋ ورگاندارى عانا ەمەس، جەرگىلىكتى اتقارۋشى ورگاندار دا تارتىلادى. 

(...)

سوڭعى جىلدارى قازاقستاندى ەۋروپاعا ءوتۋ ءۇشىن وڭتۇستىك ازيا ازاماتتارىنىڭ (پاكىستان، نەپال، بانگلادەش، اۋعانستان) ترانزيتتىك ەل رەتىندە پايدالانۋ جاعدايلارى جيىلەپ كەتتى. ءقازىر ءبىز قىلمىستىق ەلەمەنتتەردى قولدانا الاتىن شەكارانىڭ تار جانە ءالسىز جەرلەرىن الىپ تاستاۋمەن اينالىسامىز"، - دەدى ءابدىروۆ Orda.kz-كە بەرگەن سۇحباتىندا.