Jýrnalist Aqmola oblysynyń ákimi Marat Ahmetjanovtan Bolat Nazarbaev, onyń balalary nemese basqa bireýler Býrabaidaǵy jerdi qanshalyq “tanystyq arqyly” alǵanyn surady, dep habarlaidy Dalanews.kz.
Ákim suraqqa tike jaýap berdi:
“Ony quqyq qorǵaý organdary anyqtaýy kerek. … Mindetti túrde joǵary laýazymdy adam bolýy shart emes, ol - jemqorlyq ta bolýy múmkin, para da bolýy múmkin, satyp alý da bolýy múmkin. Sondyqtan bul máseleni zertteý qajet”.
Aita keteiik, zańger Saparǵali Qusaiynovtyń aitýynsha, osyndai jaǵdaiǵa shamamen 1800 jer iesi tap bolýy múmkin. Onyń birneshe ondaǵany – kásipkerler, qalǵandary – qarapaiym turǵyndar.
"Biz sottasamyz, talap-aryz beremiz. Biz munda turamyz, bul – bizdiń turaqty mekenimiz, jerimiz rásimdelgen", – dedi aýyl turǵyny Valerii Tishenko.
Resmi túsinikteme
Jer resýrstaryn retteý departamentinde ister Aqmola oblysy prokýratýrasynyń nusqaýymen qozǵalǵanyn aitty. Olardyń dereginshe, ýchaskeler erekshe qorǵalatyn aýmaqtar týraly zańdy buza otyryp berilgen.
