جۋرناليست اقمولا وبلىسىنىڭ اكىمى مارات احمەتجانوۆتان بولات نازاربايەۆ، ونىڭ بالالارى نەمەسە باسقا بىرەۋلەر بۋرابايداعى جەردى قانشالىق “تانىستىق ارقىلى” العانىن سۇرادى، دەپ حابارلايدى Dalanews.kz.
اكىم سۇراققا تىكە جاۋاپ بەردى:
“ونى قۇقىق قورعاۋ ورگاندارى انىقتاۋى كەرەك. … مىندەتتى تۇردە جوعارى لاۋازىمدى ادام بولۋى شارت ەمەس، ول - جەمقورلىق تا بولۋى مۇمكىن، پارا دا بولۋى مۇمكىن، ساتىپ الۋ دا بولۋى مۇمكىن. سوندىقتان بۇل ماسەلەنى زەرتتەۋ قاجەت”.
ايتا كەتەيىك، زاڭگەر ساپارعالي قۇسايىنوۆتىڭ ايتۋىنشا، وسىنداي جاعدايعا شامامەن 1800 جەر يەسى تاپ بولۋى مۇمكىن. ونىڭ بىرنەشە ونداعانى – كاسىپكەرلەر، قالعاندارى – قاراپايىم تۇرعىندار.
"ءبىز سوتتاسامىز، تالاپ-ارىز بەرەمىز. ءبىز مۇندا تۇرامىز، بۇل – ءبىزدىڭ تۇراقتى مەكەنىمىز، جەرىمىز راسىمدەلگەن"، – دەدى اۋىل تۇرعىنى ۆالەريي تيششەنكو.
رەسمي تۇسىنىكتەمە
جەر رەسۋرستارىن رەتتەۋ دەپارتامەنتىندە ىستەر اقمولا وبلىسى پروكۋراتۋراسىنىڭ نۇسقاۋىمەن قوزعالعانىن ايتتى. ولاردىڭ دەرەگىنشە، ۋچاسكەلەر ەرەكشە قورعالاتىن اۋماقتار تۋرالى زاڭدى بۇزا وتىرىپ بەرىلگەن.
