Qazaqstanda zeinetaqy jinaǵyn merziminen buryn alý úshin belgilengen jetkiliktik shekti arttyrý máselesi qaralyp jatyr. Bul týraly eńbek jáne halyqty áleýmettik qorǵaý ministri Asqarbek Ertaev málimdedi, dep habarlaidy Dalanews.kz.
Ministrdiń aitýynsha, keiingi bes jylda azamattar zeinetaqy jinaǵynan shamamen bes trillion teńge alǵan. Onyń edáýir bóligi jastarǵa tiesili.
"Sanattar boiynsha qaradyq: 20 men 35 jas aralyǵyndaǵy jastar shamamen bir trillion teńge alǵan", - dedi ol.
Vedomstvo málimetinshe, bul úrdis burynǵy tásilderdi qaita qaraýdy qajet etedi. Negizgi maqsat - jinaqtaýshy zeinetaqy júiesin saqtap, damytý.
Ministrdiń sózinshe, eńbek jolyn endi bastaǵan jastar aldymen jinaq qalyptastyrýy kerek. Qazir bul qarjy nesie jabýǵa jáne emdelýge tiimdi qural bolǵanymen, bolashaqtaǵy zeinetaqyny da esten shyǵarmaǵan jón.
