Zańsyz mikroqarjy uiymdaryn uiymdastyrýshylardyń 32 mlrd teńge kólemindegi múlkine tyiym salyndy, - dep habarlaidy Dalanews.kz.
Almaty qalasy boiynsha Qarjylyq monitoring agenttiginiń departamenti Creditum MQU, Sofi Finance MQU, Hava Finance MQU, SF Offline MQU, POS Credit MQU, "Sálem Kredit" MQU basshylaryna qatysty alaiaqtyq jáne zańsyz kásipkerlik qyzmet derekteri boiynsha tergeýdi jalǵastyrap jatyr.
Buǵan deiin bul MQU-lardyń zańsyz áreketteriniń saldarynan 327 myńnan asa azamat zardap shekkeni, olarǵa keltirilgen shyǵyn kólemi 30 mlrd teńge bolǵany habarlandy.
"Tólemderi keshiktirilgen qaryz alýshylar Hava.kz, Koke.kz, Tengo.kz kompaniialarmen kepildik sharttaryn jasasýǵa májbúr bolǵan. Bul rette kepilgerdiń jaýapkershiligi tek qaryz alýshy qaitys bolǵan jaǵdaida qarastyrylǵan. Bul qyzmet úshin bastapqy nesie somasynan birneshe ese asyp túsetin tólem alynyp, azamattardy qaryzǵa batyrǵan. Nátijesinde qaryz alýshylar nesie somasynan 3-5 ese artyq aqsha tóleýge májbúr bolǵan", - dep jazylǵan habarlamada.
Mikroqarjy uiymdarynyń esepshottaryndaǵy 1,8 mlrd teńge kólemindegi qarjyǵa tyiym salyndy, sondai-aq, 30 mlrd teńge mólsherindegi nesie portfeline shekteý qoiyldy.
MQU uiymdastyrýshysy 2 aiǵa qamaýǵa alyndy.
Jalpy quny 225 mln teńge kóleminde 2 turǵyn úi men BMW X6, Toyota Tundra markaly kólikterine tyiym salyndy. Tergeý jalǵasyp jatyr.
