Astana qalalyq apelliatsiialyq soty ákimshilik quqyq buzýshylyqtar jónindegi mamandandyrylǵan aýdanaralyq sottyń sheshimin ózgerissiz qaldyrdy, dep habarlaidy Dalanews.kz.
18–21 tamyz kúnderi blogerler Erbolat Janábilov pen Elmira Tólegenova avtokólik utys oiynyn jariialaǵan bolatyn. Alaida tikelei efirdiń ornyna paidalanýshylar 30 myń teńge tóleý arqyly ǵana qatysýǵa bolatyn aqyly oqý kýrsynyń siltemesin alǵan. Utysqa qatysý tek kýrsty satyp alǵannan keiin múmkin bolǵan. Bul jaǵdai qoǵamda syn týdyryp, memlekettik organdarǵa shaǵymdar túsken.
Mádeniet jáne sport ministrligi zań boiynsha utys oiyndaryn tek resmi uiymdastyrýshylar men lotereia agentteri ǵana ótkize alatynyn eske saldy.
2025 jylǵy 15 qyrkúiekte Erbolat Janábilov pen Elmira Tólegenovaǵa qatysty ister Ekonomikalyq tergeýler departamentine joldandy. Sot olardyń áreketterinen qylmystyq quqyq buzýshylyq belgilerin baiqaǵan.
Sot otyrysynan keiin blogerlerdiń advokaty Oleg Chernov qabyldanǵan sheshimge shaǵym túsiretinin málimdedi.
