استانا قالالىق اپەللياسيالىق سوتى اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتتىڭ شەشىمىن وزگەرىسسىز قالدىردى، دەپ حابارلايدى Dalanews.kz.
18–21 تامىز كۇندەرى بلوگەرلەر ەربولات ءجانابىلوۆ پەن ەلميرا تولەگەنوۆا اۆتوكولىك ۇتىس ويىنىن جاريالاعان بولاتىن. الايدا تىكەلەي ەفيردىڭ ورنىنا پايدالانۋشىلار 30 مىڭ تەڭگە تولەۋ ارقىلى عانا قاتىسۋعا بولاتىن اقىلى وقۋ كۋرسىنىڭ سىلتەمەسىن العان. ۇتىسقا قاتىسۋ تەك كۋرستى ساتىپ العاننان كەيىن مۇمكىن بولعان. بۇل جاعداي قوعامدا سىن تۋدىرىپ، مەملەكەتتىك ورگاندارعا شاعىمدار تۇسكەن.
مادەنيەت جانە سپورت مينيسترلىگى زاڭ بويىنشا ۇتىس ويىندارىن تەك رەسمي ۇيىمداستىرۋشىلار مەن لوتەرەيا اگەنتتەرى عانا وتكىزە الاتىنىن ەسكە سالدى.
2025 جىلعى 15 قىركۇيەكتە ەربولات ءجانابىلوۆ پەن ەلميرا تولەگەنوۆاعا قاتىستى ىستەر ەكونوميكالىق تەرگەۋلەر دەپارتامەنتىنە جولداندى. سوت ولاردىڭ ارەكەتتەرىنەن قىلمىستىق قۇقىق بۇزۋشىلىق بەلگىلەرىن بايقاعان.
سوت وتىرىسىنان كەيىن بلوگەرلەردىڭ ادۆوكاتى ولەگ چەرنوۆ قابىلدانعان شەشىمگە شاعىم تۇسىرەتىنىن مالىمدەدى.
