Sarysý aýdany ákimi Balabek NARBAEVTYŃ nazaryna!
Redaktsiiadan: Biz buǵan deiin Jambyl oblysy Sarysý aýdany Jańatas qalasyndaǵy «Aigúl» balabaqshasynda oryn alǵan keleńsizder jaiynda mekeme qyzmetkerleriniń shaǵymyn saitymyzǵa shyǵaryp, Jambyl oblysy ákimi Kárim Kókirekbaevtan qarapaiym halyqqa arasha túsýin ótinip maqala jazǵan edik. Sol maqaladan keiin jaǵdai túzelgen bolatyn. Jaqynda «Aigúl» balabaqshasynyń birneshe qyzmetkeri redaktsiia poshtasyna taǵy da hat joldap, bilim ordasynda oryn alǵan jaisyz jaittardy baiandap, kómek surady. Osy rette bizder oblys, aýdan basshylarynyń bul máseleni taǵy da oń baǵytta sheshedi degen úmitpen qarapaiym eńbekkerlerdiń hatyn saitymyzǵa jariialap otyrmyz. Osy rette zańdylyqty saqatai otyryp, saitymyzǵa qos taraptyńda pikirin jariialaýǵa daiyn ekenimizdi habarlaimyz.
Biz «Aigúl» balabaqsha ujymy myna tómendegishe málimdeme jasaimyz. Aitarymyz balabaqsha meńgerýshisi Stambekova Jańash Tájibaiqyzy jumys isteý qabiletiniń joqtyǵyna bailanysty bolyp tur. Balabaqsha salasyn durys meńgere almaýda. Jańash Tájibaiqyzy kelgeli beri, balabaqshamyzdyń jaǵdaiy nasharlap, ujymnyń aýyzbirshiligine syzat tústi.
Qazir top-topqa bólingen ujymnyń berekesi ketti. Biraz ata-analar balalaryn basqa balabaqshalarǵa aýystyryp jatyr. Balabaqsha meńgerýshisi buǵan qarapaiym jumysshylardy, iaǵni tárbieshilerdi, tárbieshi kómekshilerin, qaraýyl, sypyrýshylardy kinálaidy. Qyzmetkerler aýyryp aýrýhanadan shyqsa, aýrýhana anyqtamasy bolsa da aqy tólemeidi. Al kásipodaq uiymynyń tóraiymy Ainash Ospanova bolsa jumysshylardyń quqyǵyn qorǵai almai otyr.
Sondyqtan bizder Jańash Tájibaiqyzynyń balabaqsha meńgerýshisi bolyp jumys isteýge tájiribesi jetpeitindigin málimdeimiz. Bul kisiniń jumysy jumysshylardyń ailyq jalaqysyn qysqartýynan, jumysshylardy sebepsiz qanaýynan, «bul jerde men basshymyn meniń aitqanym bolady» dep qoqan-loqqy kórsetýinen mezi boldyq.
Balabaqshamyzǵa tekserý kele jatqanyn estigen bette balabaqsha meńgerýshisi qolyna sý búrkkishti alyp, kire beris joldarǵa sý búrkedi. Bul sýdy oqytylǵan degen qaýeset bar. Bizdiń ómirimizge qaýip tónip tur. Bir sózben aitqanda bizge bundai basshynyń keregi joq.
«Aigúl» balabaqshasynyń qyzmetkerleri
T. Nurpeiisova, T. Iskakova, O.K. Maksidova, E. Týlaǵanov, N. Smailov, A. Altaev.
https://dalanews.kz/20607
