سارىسۋ اۋدانى اكىمى بالابەك ناربايەۆتىڭ نازارىنا!
رەداكسيادان: ءبىز بۇعان دەيىن جامبىل وبلىسى سارىسۋ اۋدانى جاڭاتاس قالاسىنداعى «ايگۇل» بالاباقشاسىندا ورىن العان كەلەڭسىزدەر جايىندا مەكەمە قىزمەتكەرلەرىنىڭ شاعىمىن سايتىمىزعا شىعارىپ، جامبىل وبلىسى اكىمى كارىم كوكىرەكبايەۆتان قاراپايىم حالىققا اراشا ءتۇسۋىن ءوتىنىپ ماقالا جازعان ەدىك. سول ماقالادان كەيىن جاعداي تۇزەلگەن بولاتىن. جاقىندا «ايگۇل» بالاباقشاسىنىڭ بىرنەشە قىزمەتكەرى رەداكسيا پوشتاسىنا تاعى دا حات جولداپ، ءبىلىم ورداسىندا ورىن العان جايسىز جايتتاردى بايانداپ، كومەك سۇرادى. وسى رەتتە بىزدەر وبلىس، اۋدان باسشىلارىنىڭ بۇل ماسەلەنى تاعى دا وڭ باعىتتا شەشەدى دەگەن ۇمىتپەن قاراپايىم ەڭبەككەرلەردىڭ حاتىن سايتىمىزعا جاريالاپ وتىرمىز. وسى رەتتە زاڭدىلىقتى ساقاتاي وتىرىپ، سايتىمىزعا قوس تاراپتىڭدا پىكىرىن جاريالاۋعا دايىن ەكەنىمىزدى حابارلايمىز.
ءبىز «ايگۇل» بالاباقشا ۇجىمى مىنا تومەندەگىشە مالىمدەمە جاسايمىز. ايتارىمىز بالاباقشا مەڭگەرۋشىسى ستامبەكوۆا جاڭاش ءتاجىباي قىزى جۇمىس ىستەۋ قابىلەتىنىڭ جوقتىعىنا بايلانىستى بولىپ تۇر. بالاباقشا سالاسىن دۇرىس مەڭگەرە الماۋدا. جاڭاش ءتاجىباي قىزى كەلگەلى بەرى، بالاباقشامىزدىڭ جاعدايى ناشارلاپ، ۇجىمنىڭ اۋىزبىرشىلىگىنە سىزات ءتۇستى.
ءقازىر توپ-توپقا بولىنگەن ۇجىمنىڭ بەرەكەسى كەتتى. ءبىراز اتا-انالار بالالارىن باسقا بالاباقشالارعا اۋىستىرىپ جاتىر. بالاباقشا مەڭگەرۋشىسى بۇعان قاراپايىم جۇمىسشىلاردى، ياعني تاربيەشىلەردى، تاربيەشى كومەكشىلەرىن، قاراۋىل، سىپىرۋشىلاردى كىنالايدى. قىزمەتكەرلەر اۋىرىپ اۋرۋحانادان شىقسا، اۋرۋحانا انىقتاماسى بولسا دا اقى تولەمەيدى. ال كاسىپوداق ۇيىمىنىڭ ءتورايىمى ايناش وسپانوۆا بولسا جۇمىسشىلاردىڭ قۇقىعىن قورعاي الماي وتىر.
سوندىقتان بىزدەر جاڭاش ءتاجىباي قىزىنىڭ بالاباقشا مەڭگەرۋشىسى بولىپ جۇمىس ىستەۋگە تاجىريبەسى جەتپەيتىندىگىن مالىمدەيمىز. بۇل كىسىنىڭ جۇمىسى جۇمىسشىلاردىڭ ايلىق جالاقىسىن قىسقارتۋىنان، جۇمىسشىلاردى سەبەپسىز قاناۋىنان، «بۇل جەردە مەن باسشىمىن مەنىڭ ايتقانىم بولادى» دەپ قوقان-لوققى كورسەتۋىنەن مەزى بولدىق.
بالاباقشامىزعا تەكسەرۋ كەلە جاتقانىن ەستىگەن بەتتە بالاباقشا مەڭگەرۋشىسى قولىنا سۋ بۇرككىشتى الىپ، كىرە بەرىس جولدارعا سۋ بۇركەدى. بۇل سۋدى وقىتىلعان دەگەن قاۋەسەت بار. ءبىزدىڭ ومىرىمىزگە ءقاۋىپ ءتونىپ تۇر. ءبىر سوزبەن ايتقاندا بىزگە بۇنداي باسشىنىڭ كەرەگى جوق.
«ايگۇل» بالاباقشاسىنىڭ قىزمەتكەرلەرى
ت. نۇرپەيىسوۆا، ت. يسكاكوۆا، و.ك. ماكسيدوۆا، ە. تۋلاعانوۆ، ن. سمايلوۆ، ا. التايەۆ.
https://dalanews.kz/20607
