“Súiinshi jańalyq! Úsh balanyń ákesi retinde, ulttyń bolashaǵy úshin, urpaqtyń saýlyǵy úshin elimizde veip saýdasyna tolyǵymen tyiym salynatyn zańdy qabyldap, senat depýtattaryna jiberdik.
Gúldara Alshynqyzy jetekshilik etken “Densaýlyq saqtaý máseleleri týraly zań” jobasynda 35 otyrys ótti. Oilańyzdarshy, 35! Sizder keide jazasyzdar ǵoi, “depýtattar ne istep otyrsyńdar osy?” - dep? Aýyzben aita salý qashan da ońai. Aýyzben oraq orýǵa bolady. Al iske kelgende ońai emes. Veip saýdasynda milliardtar ainalymda boldy, depýtattarǵa astyrtyn aqparattyq shabýyl da az bolmady. Tipti veibti jaqtaǵandar da kezdesti. Urys-aiqai kóp boldy, kádimgi talas-tartys” - dedi depýtat.
Onyń aitýynsha, osy daýly máselege tosqaýyl qoiyldy.
“Qazirge aitarym kim sizge milliard ákelip otyrǵan biznesinen ońai aiyrylǵysy keledi? Árine eshkim! Biraq bizdiń jumys toby jeńdi! 12 depýtat bastan aiaq qarsy turdyq. Al búgingi plenaralyq otyrysta Májilistegi 92 depýtat bul zańdy qoldady. Endigi kezek Senat depýtattarynda. Olar da qarsy turady degen oidamyn. Sebebi óskeleń urpaqtyń saýlyǵy mańyzdy!” - dep jazdy Dáýlet Muqaev.
Sýret: Stan.kz
