“ءسۇيىنشى جاڭالىق! ءۇش بالانىڭ اكەسى رەتىندە، ۇلتتىڭ بولاشاعى ءۇشىن، ۇرپاقتىڭ ساۋلىعى ءۇشىن ەلىمىزدە ۆەيپ ساۋداسىنا تولىعىمەن تىيىم سالىناتىن زاڭدى قابىلداپ، سەنات دەپۋتاتتارىنا جىبەردىك.
گۇلدارا الشىن قىزى جەتەكشىلىك ەتكەن “دەنساۋلىق ساقتاۋ ماسەلەلەرى تۋرالى زاڭ” جوباسىندا 35 وتىرىس ءوتتى. ويلاڭىزدارشى، 35! سىزدەر كەيدە جازاسىزدار عوي، “دەپۋتاتتار نە ىستەپ وتىرسىڭدار وسى؟” - دەپ؟ اۋىزبەن ايتا سالۋ قاشان دا وڭاي. اۋىزبەن وراق ورۋعا بولادى. ال ىسكە كەلگەندە وڭاي ەمەس. ۆەيپ ساۋداسىندا ميللياردتار اينالىمدا بولدى، دەپۋتاتتارعا استىرتىن اقپاراتتىق شابۋىل دا از بولمادى. ءتىپتى ۆەيبتى جاقتاعاندار دا كەزدەستى. ۇرىس-ايقاي كوپ بولدى، كادىمگى تالاس-تارتىس” - دەدى دەپۋتات.
ونىڭ ايتۋىنشا، وسى داۋلى ماسەلەگە توسقاۋىل قويىلدى.
“قازىرگە ايتارىم كىم سىزگە ميلليارد اكەلىپ وتىرعان بيزنەسىنەن وڭاي ايىرىلعىسى كەلەدى؟ ارينە ەشكىم! ءبىراق ءبىزدىڭ جۇمىس توبى جەڭدى! 12 دەپۋتات باستان اياق قارسى تۇردىق. ال بۇگىنگى پلەنارالىق وتىرىستا ماجىلىستەگى 92 دەپۋتات بۇل زاڭدى قولدادى. ەندىگى كەزەك سەنات دەپۋتاتتارىندا. ولار دا قارسى تۇرادى دەگەن ويدامىن. سەبەبى وسكەلەڭ ۇرپاقتىڭ ساۋلىعى ماڭىزدى!” - دەپ جازدى داۋلەت مۇقايەۆ.
سۋرەت: Stan.kz
