Astanadaǵy "Kerýen" saýda ortalyǵy mańyndaǵy daýly jer telimi qaitadan daýǵa ilikti. Qalalyq máslihattyń kezekten tys ótken sessiiasynda depýtattar memlekettik qajettilikke alynǵan jer úshin tólenetin ótemaqy máselesin kóterip, jaǵdaidyń jai-japsaryna úńildi. Osy jer telimi buryn 176 million teńgege satylsa, endi ákimdik ony 1 milliard 80 million teńgege, iaǵni on ese qymbat baǵaǵa qaita satyp almaq. Jerdiń baǵasy osynsha eselep kóterilýi depýtattardyń narazylyǵyn týǵyzdy, dep habarlaidy Dalanews.kz Orda.kz-ke siltep.
Bul jer telimine qatysty daýly máseleler burynnan jalǵasyp kele jatqanyn eske salǵan Májilis depýtaty Baqytjan Bazarbek munda kúdikti tustar kóp ekenin aitty.
"Bul jerdi respýblikalyq JER AMANATY jer komissiiasynyń kúshimen memleket menshigine qaitarǵan edik. Astana qalalyq jer resýrstaryn basqarý departamenti 2022 jyldyń 15 qyrkúieginde sot arqyly jerdi ákimdikke alyp berdi. Odan keiin ol jer memlekettik qorǵa qosylyp, "Qalalyq jaily orta basqarmasynyń" balansyna ótýge tiis bolatyn. Ári qarai bul jerde saiabaq nemese skver salynýy kerek edi", – deidi depýtat.
Bazarbek eń aldymen jer telimin kimderdiń jáne qalai aýktsionǵa shyǵarǵanyn anyqtaý qajet ekenin aitady.
"Basty suraq: osy jerdi kim aýktsionǵa qoidy? Qandai memlekettik organ, qandai laýazymdy tulǵa jaýapty boldy? Nege olar jaýapqa tartylmaidy? Bul jerdi satýǵa múlde bolmaityn edi, ol aýktsionnyń ózi zańsyz", – deidi depýtat.
Sonymen qatar, onyń sózinshe, jerdiń qunyn baǵalaýda da kúmándi jaittar bar.
"Baǵalaýdyń ádistemesi qandai boldy? Bul jerdiń quny nege sonshalyq tómendetildi: 176 mln teńge? Múmkin baǵalaýshylardyń astyrtyn áreketi bolǵan shyǵar, jerdiń qunyn ádeii arzandatyp, qalanyń qaq ortasyndaǵy qundy jerdi tezirek qaltaly azamattarǵa ótkizip jibergisi kelgen bolar. Munda quqyq qorǵaý organdary muqiiat tekseris júrgizýi kerek. Aýktsionnyń zańdylyǵyn, baǵalaýdyń durystyǵyn túbegeili tekserý qajet. Bul istiń bári kúmándi", – deidi Bazarbek.
Májilismen endi bul máselege tikelei aralasyp, Máslihat depýtattarynyń talabyn qoldap otyr. Ol Bas prokýratýraǵa qylmystyq is qozǵaý týraly ótinish ázirlep jatqanyn jetkizdi.
"Memleketke úlken shyǵyn keldi. Eger 2023-2024 jyldary bul jer kem degende 800 million teńge turýǵa tiis bolsa, al ony 176 millionǵa satsa, baǵalaý aktisine qol qoiǵan adamdar qylmystyq jaýapkershilikke tartylýǵa tiis. ...Biz bul jerdi memleketke qaitaryp bergen edik, biraq bizdi ainalyp ótip, aldap soqty", – dep kúiindi depýtat.
