استاناداعى "كەرۋەن" ساۋدا ورتالىعى ماڭىنداعى داۋلى جەر تەلٸمٸ قايتادان داۋعا ٸلٸكتٸ. قالالىق مەسليحاتتىڭ كەزەكتەن تىس ٶتكەن سەسسيياسىندا دەپۋتاتتار مەملەكەتتٸك قاجەتتٸلٸككە الىنعان جەر ٷشٸن تٶلەنەتٸن ٶتەماقى مەسەلەسٸن كٶتەرٸپ, جاعدايدىڭ جاي-جاپسارىنا ٷڭٸلدٸ. وسى جەر تەلٸمٸ بۇرىن 176 ميلليون تەڭگەگە ساتىلسا, ەندٸ ەكٸمدٸك ونى 1 ميلليارد 80 ميلليون تەڭگەگە, ياعني ون ەسە قىمبات باعاعا قايتا ساتىپ الماق. جەردٸڭ باعاسى وسىنشا ەسەلەپ كٶتەرٸلۋٸ دەپۋتاتتاردىڭ نارازىلىعىن تۋعىزدى, دەپ حابارلايدى Dalanews.kz Orda.kz-كە سٸلتەپ.
بۇل جەر تەلٸمٸنە قاتىستى داۋلى مەسەلەلەر بۇرىننان جالعاسىپ كەلە جاتقانىن ەسكە سالعان مەجٸلٸس دەپۋتاتى باقىتجان بازاربەك مۇندا كٷدٸكتٸ تۇستار كٶپ ەكەنٸن ايتتى.
"بۇل جەردٸ رەسپۋبليكالىق JER AMANATY جەر كوميسسيياسىنىڭ كٷشٸمەن مەملەكەت مەنشٸگٸنە قايتارعان ەدٸك. استانا قالالىق جەر رەسۋرستارىن باسقارۋ دەپارتامەنتٸ 2022 جىلدىڭ 15 قىركٷيەگٸندە سوت ارقىلى جەردٸ ەكٸمدٸككە الىپ بەردٸ. ودان كەيٸن ول جەر مەملەكەتتٸك قورعا قوسىلىپ, "قالالىق جايلى ورتا باسقارماسىنىڭ" بالانسىنا ٶتۋگە تيٸس بولاتىن. ەرٸ قاراي بۇل جەردە ساياباق نەمەسە سكۆەر سالىنۋى كەرەك ەدٸ", – دەيدٸ دەپۋتات.
بازاربەك ەڭ الدىمەن جەر تەلٸمٸن كٸمدەردٸڭ جەنە قالاي اۋكتسيونعا شىعارعانىن انىقتاۋ قاجەت ەكەنٸن ايتادى.
"باستى سۇراق: وسى جەردٸ كٸم اۋكتسيونعا قويدى? قانداي مەملەكەتتٸك ورگان, قانداي لاۋازىمدى تۇلعا جاۋاپتى بولدى? نەگە ولار جاۋاپقا تارتىلمايدى? بۇل جەردٸ ساتۋعا مٷلدە بولمايتىن ەدٸ, ول اۋكتسيوننىڭ ٶزٸ زاڭسىز", – دەيدٸ دەپۋتات.
سونىمەن قاتار, ونىڭ سٶزٸنشە, جەردٸڭ قۇنىن باعالاۋدا دا كٷمەندٸ جايتتار بار.
"باعالاۋدىڭ ەدٸستەمەسٸ قانداي بولدى? بۇل جەردٸڭ قۇنى نەگە سونشالىق تٶمەندەتٸلدٸ: 176 ملن تەڭگە? مٷمكٸن باعالاۋشىلاردىڭ استىرتىن ەرەكەتٸ بولعان شىعار, جەردٸڭ قۇنىن ەدەيٸ ارزانداتىپ, قالانىڭ قاق ورتاسىنداعى قۇندى جەردٸ تەزٸرەك قالتالى ازاماتتارعا ٶتكٸزٸپ جٸبەرگٸسٸ كەلگەن بولار. مۇندا قۇقىق قورعاۋ ورگاندارى مۇقييات تەكسەرٸس جٷرگٸزۋٸ كەرەك. اۋكتسيوننىڭ زاڭدىلىعىن, باعالاۋدىڭ دۇرىستىعىن تٷبەگەيلٸ تەكسەرۋ قاجەت. بۇل ٸستٸڭ بەرٸ كٷمەندٸ", – دەيدٸ بازاربەك.
مەجٸلٸسمەن ەندٸ بۇل مەسەلەگە تٸكەلەي ارالاسىپ, مەسليحات دەپۋتاتتارىنىڭ تالابىن قولداپ وتىر. ول باس پروكۋراتۋراعا قىلمىستىق ٸس قوزعاۋ تۋرالى ٶتٸنٸش ەزٸرلەپ جاتقانىن جەتكٸزدٸ.
"مەملەكەتكە ٷلكەن شىعىن كەلدٸ. ەگەر 2023-2024 جىلدارى بۇل جەر كەم دەگەندە 800 ميلليون تەڭگە تۇرۋعا تيٸس بولسا, ال ونى 176 ميلليونعا ساتسا, باعالاۋ اكتٸسٸنە قول قويعان ادامدار قىلمىستىق جاۋاپكەرشٸلٸككە تارتىلۋعا تيٸس. ...بٸز بۇل جەردٸ مەملەكەتكە قايتارىپ بەرگەن ەدٸك, بٸراق بٸزدٸ اينالىپ ٶتٸپ, الداپ سوقتى", – دەپ كٷيٸندٸ دەپۋتات.
