Jary Qýandyq Bıshimbaevtyń qolynan kóz jumǵan Saltanat Núkenovanyń aǵasy Qaırat Núkenov Astanadaǵy sottyń bastalýyna oraı jýrnalıserdiń saýaldaryna jaýap berdi, dep habarlaıdy Dalanews.kz.

«Bul olardyń quqyǵy, men túsinemin. Biz buǵan (alqabılerdiń sotqa qatysýyna) zańdy túrde yqpal ete almaımyz. Árıne, aqtaý úkimderiniń úlken paıyzy alqabıler sotynda oryn alady. Bul bizge unaı qoımaıdy, alaıda, soǵan qaramastan biz sottyń ádil de taza ótýine tolyq kúsh salamyz», – dedi Qaırat Núkenov sot ǵımaratynda.

Aıta keteıik, aldyn-ala sot tyńdaýynda jýrnalıserdi zalǵa kirgizbeı, beınetranslásıamen bólek bólmege jibergen.

«Bul bizdiń ǵana emes, barsha qazaqstandyqtardyń quqyqtaryn buzý bolyp tabylady. Bizde jańa, ádil Qazaqstan bola ma, joq pa, sony árbir qazaqstandyq túsinýi kerek», – dedi Núkenovter tarapy.

Buǵan deıin Qýandyq Bıshimbaev kinásin moıyndamaıtynyn aıtyp, isti alqabıler soty qaraýyn talap etken bolatyn.