Tina Kandelaki Telegram-arnasynda "Qazaqstanda orys tili baiaý túrde yǵystyrylyp jatqanyn" aityp, jazba jariialady. Kólik ministrliginiń birqatar beket ataýyn ózgertý týraly sheshimin reseilik telejúrgizýshi osylai qabyldapty. Ol mysal retinde "Ýralsk" beketiniń ataýy "Oral", al "Ýzen" beketiniń ataýy "Jańaózen" bolyp ózgergenin keltirgen edi.
"Blogerler men qarapaiym jeli qoldanýshylary orys tilin yǵystyrýmen ainalysyp jatpaǵanymyzdy aityp, jaýap berdi. Biz ana tilimizdi, memlekettik tilimizdi laiyqty ornyna qaitarýǵa tyrysyp jatyrmyz. Bul, birinshiden. Ekinshiden, beketterge, kóshelerge, qalalarǵa qandai ataý berý keregin ár eldiń ózi sheshýge quqyǵy bar. Buǵan jaýap retinde aqyl-oiyn joǵaltqan "máńgúrt" týraly aita bastadyńyz. ...Siz kúlli qazaqty máńgúrt dep meńzedińiz be? Eger bul sózdiń maǵynasyn bilseńiz, onda búkil halyqqa qanshalyq qiianat jasaǵanyńyzdy bilýińiz kerek edi. Mediasferadaǵy adam retinde sózdiń baǵasyn bilýińiz kerek edi. Sondyqtan qazir istep jatqan isińiz - sanaly túrde arandatý", - deidi ol.
Sonymen qatar, Bekbolat Tileýhan qazaq halqy qiyn shaqta túrli ult ókilderin qabyldaǵanyn, tarihty eske saldy.
"Biz ultyna qaramastan Edilden kelgen nemisterdi, ingýshtar men sheshenderdi, balqarlar men qarashailardy, poliaktardy, kúrdterdi, osetindikterdi jáne Qazaqstanǵa jer aýdarylǵan basqa da halyqtardy qabyldadyq. Kavkaz halyqtarynan qazaqtar sýyqta qalǵan balalardy, áielder men qarttardy qalai qutqarǵany týraly áńgimelerdi estýińiz kerek edi. Biz, qazaqtar, adamdardy qiyndyqta tastai almaimyz, olardyń senimi, tili men ulty bizge mańyzdy emes. Eger halqymyzdyń qarttardy aiazda qýyp jiberýge qaýqary jetedi deýge batylyńyz barsa, onda naǵyz máńgúrt biz emes, siz. Siz máńgúrtsiz. Siz tarihty esten shyǵardyńyz nemese bilmeisiz", - dedi Bekbolat Tileýhan.
