Biz odan qutylǵymyz kelgenmen, ol bizden aiyrylmai qoidy, alaida.
«Qazaqstan – Borat». «Borat – Qazaqstan». Bular bir uǵymǵa ainalyp ketken əldeqashan. Moiyndaǵymyz kelmese de, əzirgi əlem Qazaqstandy Borat arqyly tanydy jəne Borat arqyly biledi.
Kúledi. «Borat, Borat» deidi.
Amerika men Ulybritaniia turǵyndary bizdi Aýǵanstanmen shatastyrady eken, shyn bolsa. Ol jaqqa baryp kelgender súi deidi. Bizdi bilmeidi, demek. Múlde bilmeidi. Tipti kartadan kórsete almaidy. Joq, ras.
Biraq, Boratty biledi. Bizdiń imidjdi osy Borat qalyptastyryp qoiǵan, baiaǵydan-aq. Anyǵy osy. Aqiqaty da osy.
Aziada? OBSE? Taǵy ne? Qazaqstannyń imidjin kóteredi degen birde-bir shara Borattyń shańyna ilese almady. Ókinishke orai.
Borattyń túsirilgenine 10 jyl boldy ma, bolmady ma? Məsele onda emes. Məsele: osy ýaqyttyń ishinde biz Borattaǵy Qazaqstan men shyn ómirdegi Qazaqstannyń múlde səikespeitinin, sorpasy qosylmaitynyn dəleldei almadyq.
Qazaqstandy bilmeitinderdi saýatsyzdyǵy úshin sóge almaisyń.
Bilmeitinder biletindei, estimegender estitindei eshteńe atqarmappyz osy 25 jylda (biz solai oilaimyz, siz basqasha oilaýyńyz múmkin).
Aziada? OBSE? Taǵy ne? Qazaqstannyń imidjin kóteredi degen birde-bir shara Borattyń shańyna ilese almady. Ókinishke orai.
Borat nege bizdiń qyr sońymyzdan qalmai qoidy? Biz odan qalai qutylamyz?
Ekspo? Siz buǵan senesiz be? Biz senbeimiz. Ekspo bastalmai jatyp sətsizdikke ushyrady. Basshysy jedi, qosshysy da solai. Əli bastalmaǵan kórmeniń imidji búlindi, osylai. Bul jaman yrym, negizi.
Kórmeniń jumysyna jaýapty adamdar Nazarbaevtyń aldynda bastaǵan istiń berekesi ketkenin, bylaisha aitqanda túk bitirmegenin bildirip qoidy. Kimniń keletini, kimniń qatysatyny belgisiz eken, əli kúnge deiin.
Mundai Ekspo Qazaqstannyń atyn qai jaǵynan tanytýy múmkin?
Tanytty: Ekspodaǵy jemqorlyq Qazaqstannyń «qapteserler memleketi» ekenin taǵy márte dəleldedi.
Belgilisi, bizdiń el Borat degen laqap attan arylǵan kúni əlem de basqa Qazaqstandy tanityn bolady. Al əzir...
Al əzir biz əlemniń aýzyna qaqpaq qoia almaimyz.
Borat she? «Ol tapsyryspen túsirilgen dúnie» deidi.
Biraq bul da mańyzdy emes, endigi jerde.
Borat degen laqap attan qalai arylamyz? Borat emesimizdi qalai dəleldeimiz?
Tapsyrys bergen adam bar bolsa (kózi tiri bolsa) haostaǵy Qazaqstannyń qazirgi kúiin kórip-bilip, baqylap otyr. «Jemqorlar memleketi». «Əlemdegi eń daraqy el», «Shalaqazaqstan», Kelimbetov...
Tapsyrys bergen adam shynymen de bar bolsa ol bul múmkindikti qur jibermeidi. «Borat – 2» alǵashqysynan da soraqy shyǵýy múmkin.
Dýman BYQAI
