ءبىز ودان قۇتىلعىمىز كەلگەنمەن، ول بىزدەن ايىرىلماي قويدى، الايدا.
«قازاقستان – بورات». «بورات – قازاقستان». بۇلار ءبىر ۇعىمعا اينالىپ كەتكەن الدەقاشان. مويىنداعىمىز كەلمەسە دە، ازىرگى الەم قازاقستاندى بورات ارقىلى تانىدى جانە بورات ارقىلى بىلەدى.
كۇلەدى. «بورات، بورات» دەيدى.
امەريكا مەن ۇلىبريتانيا تۇرعىندارى ءبىزدى اۋعانستانمەن شاتاستىرادى ەكەن، شىن بولسا. ول جاققا بارىپ كەلگەندەر ءسۇي دەيدى. ءبىزدى بىلمەيدى، دەمەك. مۇلدە بىلمەيدى. ءتىپتى كارتادان كورسەتە المايدى. جوق، راس.
ءبىراق، بوراتتى بىلەدى. ءبىزدىڭ ءيميدجدى وسى بورات قالىپتاستىرىپ قويعان، باياعىدان-اق. انىعى وسى. اقيقاتى دا وسى.
ازيادا؟ وبسە؟ تاعى نە؟ قازاقستاننىڭ ءيميدجىن كوتەرەدى دەگەن بىردە-بىر شارا بوراتتىڭ شاڭىنا ىلەسە المادى. وكىنىشكە وراي.
![x_e2338230](/uploads/images/20240128164249911.jpg)
بوراتتىڭ تۇسىرىلگەنىنە 10 جىل بولدى ما، بولمادى ما؟ ماسەلە وندا ەمەس. ماسەلە: وسى ۋاقىتتىڭ ىشىندە ءبىز بوراتتاعى قازاقستان مەن شىن ومىردەگى قازاقستاننىڭ مۇلدە سايكەسپەيتىنىن، سورپاسى قوسىلمايتىنىن دالەلدەي المادىق.
قازاقستاندى بىلمەيتىندەردى ساۋاتسىزدىعى ءۇشىن سوگە المايسىڭ.
بىلمەيتىندەر بىلەتىندەي، ەستىمەگەندەر ەستيتىندەي ەشتەڭە اتقارماپپىز وسى 25 جىلدا (ءبىز سولاي ويلايمىز، ءسىز باسقاشا ويلاۋىڭىز مۇمكىن).
ازيادا؟ وبسە؟ تاعى نە؟ قازاقستاننىڭ ءيميدجىن كوتەرەدى دەگەن بىردە-بىر شارا بوراتتىڭ شاڭىنا ىلەسە المادى. وكىنىشكە وراي.
بورات نەگە ءبىزدىڭ قىر سوڭىمىزدان قالماي قويدى؟ ءبىز ودان قالاي قۇتىلامىز؟
ەكسپو؟ ءسىز بۇعان سەنەسىز بە؟ ءبىز سەنبەيمىز. ەكسپو باستالماي جاتىپ ساتسىزدىككە ۇشىرادى. باسشىسى جەدى، قوسشىسى دا سولاي. ءالى باستالماعان كورمەنىڭ ءيميدجى ءبۇلىندى، وسىلاي. بۇل جامان ىرىم، نەگىزى.
كورمەنىڭ جۇمىسىنا جاۋاپتى ادامدار نازاربايەۆتىڭ الدىندا باستاعان ءىستىڭ بەرەكەسى كەتكەنىن، بىلايشا ايتقاندا تۇك بىتىرمەگەنىن ءبىلدىرىپ قويدى. كىمنىڭ كەلەتىنى، كىمنىڭ قاتىساتىنى بەلگىسىز ەكەن، ءالى كۇنگە دەيىن.
مۇنداي ەكسپو قازاقستاننىڭ اتىن قاي جاعىنان تانىتۋى مۇمكىن؟
تانىتتى: ەكسپوداعى جەمقورلىق قازاقستاننىڭ «قاپتەسەرلەر مەملەكەتى» ەكەنىن تاعى مارتە دالەلدەدى.
بەلگىلىسى، ءبىزدىڭ ەل بورات دەگەن لاقاپ اتتان ارىلعان كۇنى الەم دە باسقا قازاقستاندى تانيتىن بولادى. ال ءازىر...
ال ءازىر ءبىز الەمنىڭ اۋزىنا قاقپاق قويا المايمىز.
بورات شە؟ «ول تاپسىرىسپەن تۇسىرىلگەن دۇنيە» دەيدى.
![CREATOR: gd-jpeg v1.0 (using IJG JPEG v62)، quality = 91](/uploads/images/20240128164250414.jpg)
ءبىراق بۇل دا ماڭىزدى ەمەس، ەندىگى جەردە.
بورات دەگەن لاقاپ اتتان قالاي ارىلامىز؟ بورات ەمەسىمىزدى قالاي دالەلدەيمىز؟
تاپسىرىس بەرگەن ادام بار بولسا (كوزى ءتىرى بولسا) حاوستاعى قازاقستاننىڭ قازىرگى كۇيىن كورىپ-بىلىپ، باقىلاپ وتىر. «جەمقورلار مەملەكەتى». «الەمدەگى ەڭ داراقى ەل»، «شالاقازاقستان»، كەلىمبەتوۆ...
تاپسىرىس بەرگەن ادام شىنىمەن دە بار بولسا ول بۇل مۇمكىندىكتى قۇر جىبەرمەيدى. «بورات – 2» العاشقىسىنان دا سوراقى شىعۋى مۇمكىن.
دۋمان بىقاي