Qazaqstanda jyl basynan beri 74 myńnan asa jup shańyraq kóterdi, dep habarlaidy dalanews.kz.
"Azamattarǵa arnalǵan úkimet" málimetinshe, 2026 jylǵy qańtar-tamyz ailarynda Qazaqstanda 74 648 neke resmi túrde tirkelgen. Onyń jartysynan astamy jaz ailaryna tiesili.
Neke qiiýǵa degen belsendilik jaz mezgilinde artyp, dál osy kezeńde kóptegen jup otbasyn qurý týraly sheshimin resmi túrde bekitken.
"AHAT fýnktsiialary 2023 jylǵy 1 shildeden bastap Memlekettik korporatsiiaǵa berildi. Sodan beri bizdiń qyzmetkerler shamamen 400 myń nekeni tirkep, 1 millionnan asa týý týraly kýálik berdi",- dedi "Azamattarǵa arnalǵan úkimet" memlekettik korporatsiiasy KEAQ basqarma tóraǵasy Arman Kenjeǵaliev.
Elimizdiń barlyq óńirinde shańyraq kóterip, jańa otbasy qurýǵa degen umtylys joǵary. Degenmen neke qiiý kórsetkishi boiynsha iri qalalar men halyq tyǵyz ornalasqan óńirler aldyńǵy qatarda. Eń joǵary kórsetkish Almaty qalasynda tirkelip, munda 12 344 neke qiylǵan. Ekinshi orynda Astana qalasy tur, onda 9 074 jup óz qarym-qatynasyn resmi túrde rásimdegen. Al úshinshi orynda 5 611 neke qiylǵan Túrkistan oblysy tur.
Biyl maýsym aiy neke qiiý kórsetkishi boiynsha kósh bastady. Osy kezeńde 15 myńnan asa jup óz qarym-qatynasyn resmi túrde rásimdedi. Tamyzda 11 761 jup shańyraq kóterse, shildede bul kórsetkish 11 674 boldy. Jalpy, jaz ailarynda elimizde 38 myńnan asa jup otbasyn qurdy. Bul - 2026 jylǵy segiz aida qiylǵan nekelerdiń jalpy sanynyń jartysynan astamy.
