قازاقستاندا جىل باسىنان بەرٸ 74 مىڭنان اسا جۇپ شاڭىراق كٶتەردٸ, دەپ حابارلايدى dalanews.kz.
"ازاماتتارعا ارنالعان ٷكٸمەت" مەلٸمەتٸنشە, 2026 جىلعى قاڭتار-تامىز ايلارىندا قازاقستاندا 74 648 نەكە رەسمي تٷردە تٸركەلگەن. ونىڭ جارتىسىنان استامى جاز ايلارىنا تيەسٸلٸ.
نەكە قييۋعا دەگەن بەلسەندٸلٸك جاز مەزگٸلٸندە ارتىپ, دەل وسى كەزەڭدە كٶپتەگەن جۇپ وتباسىن قۇرۋ تۋرالى شەشٸمٸن رەسمي تٷردە بەكٸتكەن.
"احات فۋنكتسييالارى 2023 جىلعى 1 شٸلدەدەن باستاپ مەملەكەتتٸك كورپوراتسيياعا بەرٸلدٸ. سودان بەرٸ بٸزدٸڭ قىزمەتكەرلەر شامامەن 400 مىڭ نەكەنٸ تٸركەپ, 1 ميلليوننان اسا تۋۋ تۋرالى كۋەلٸك بەردٸ",- دەدٸ "ازاماتتارعا ارنالعان ٷكٸمەت" مەملەكەتتٸك كورپوراتسيياسى كەاق باسقارما تٶراعاسى ارمان كەنجەعاليەۆ.
ەلٸمٸزدٸڭ بارلىق ٶڭٸرٸندە شاڭىراق كٶتەرٸپ, جاڭا وتباسى قۇرۋعا دەگەن ۇمتىلىس جوعارى. دەگەنمەن نەكە قييۋ كٶرسەتكٸشٸ بويىنشا ٸرٸ قالالار مەن حالىق تىعىز ورنالاسقان ٶڭٸرلەر الدىڭعى قاتاردا. ەڭ جوعارى كٶرسەتكٸش الماتى قالاسىندا تٸركەلٸپ, مۇندا 12 344 نەكە قيىلعان. ەكٸنشٸ ورىندا استانا قالاسى تۇر, وندا 9 074 جۇپ ٶز قارىم-قاتىناسىن رەسمي تٷردە رەسٸمدەگەن. ال ٷشٸنشٸ ورىندا 5 611 نەكە قيىلعان تٷركٸستان وبلىسى تۇر.
بيىل ماۋسىم ايى نەكە قييۋ كٶرسەتكٸشٸ بويىنشا كٶش باستادى. وسى كەزەڭدە 15 مىڭنان اسا جۇپ ٶز قارىم-قاتىناسىن رەسمي تٷردە رەسٸمدەدٸ. تامىزدا 11 761 جۇپ شاڭىراق كٶتەرسە, شٸلدەدە بۇل كٶرسەتكٸش 11 674 بولدى. جالپى, جاز ايلارىندا ەلٸمٸزدە 38 مىڭنان اسا جۇپ وتباسىن قۇردى. بۇل - 2026 جىلعى سەگٸز ايدا قيىلعان نەكەلەردٸڭ جالپى سانىنىڭ جارتىسىنان استامى.
