Qorǵanys mınıstri Rýslan Jaqsylyqov Parlament palatalarynyń birlesken otyrysynan keıin jýrnalıserdiń saýalyna jaýap berdi. Ol Qazaqstannyń bitimgerlik áskerin jiberýi memlekettiń álemdik arenadaǵy bedelin arttyratynyn atap ótti.
Onyń sózine qaraǵanda, úsh aımaqqa bir jylǵa tolyq oqýdan ótken kásibı áskerı qyzmetshiler jiberiledi.
– Bitimgerlerdi moraldyq jáne iskerlik qasıetteri, densaýlyq jaǵdaıy, tártibi, jeke daıyndyq deńgeıi, tildi jáne zańnamany bilýi deńgeıine qaraı tańdaımyz. Onyń quramynda bitimgershilik, barlaý, ınjenerlik-saperlik, tehnıkalyq jáne medısınalyq bólimsheler bolady, - dep túsindirdi Qorǵanys mınıstri.
Qazaqstan búdjetinen tys ár áskerıge aıyna 1 myń dollardan tólenedi. Tek sol elderge jetkizý úshin Qazaqstan búdjetten 8 mln dollar bólmek.
