قورعانىس ءمينيسترى رۋسلان جاقسىلىقوۆ پارلامەنت پالاتالارىنىڭ بىرلەسكەن وتىرىسىنان كەيىن جۋرناليستەردىڭ ساۋالىنا جاۋاپ بەردى. ول قازاقستاننىڭ بىتىمگەرلىك اسكەرىن جىبەرۋى مەملەكەتتىڭ الەمدىك ارەناداعى بەدەلىن ارتتىراتىنىن اتاپ ءوتتى.
ونىڭ سوزىنە قاراعاندا، ءۇش ايماققا ءبىر جىلعا تولىق وقۋدان وتكەن كاسىبي اسكەري قىزمەتشىلەر جىبەرىلەدى.
– بىتىمگەرلەردى مورالدىق جانە ىسكەرلىك قاسيەتتەرى، دەنساۋلىق جاعدايى، ءتارتىبى، جەكە دايىندىق دەڭگەيى، ءتىلدى جانە زاڭنامانى ءبىلۋى دەڭگەيىنە قاراي تاڭدايمىز. ونىڭ قۇرامىندا بىتىمگەرشىلىك، بارلاۋ، ينجەنەرلىك-ساپەرلىك، تەحنيكالىق جانە مەديسينالىق بولىمشەلەر بولادى، - دەپ ءتۇسىندىردى قورعانىس ءمينيسترى.
قازاقستان بيۋدجەتىنەن تىس ءار اسكەريگە ايىنا 1 مىڭ دوللاردان تولەنەدى. تەك سول ەلدەرگە جەتكىزۋ ءۇشىن قازاقستان بيۋدجەتتەن 8 ملن دوللار بولمەك.
