Sol kezde búkil medıkter, laboranttar raqmet aıtady!
Sıfrly medısına degende dárigerler men medbıke, laboratorıa qyzmetkerleri qaǵazbastylyqtan qutylyp, tek naýqaspen aınalysý kerek. Biz qaıta sıfrly medısına bastalǵaly qaǵazdan bas kótere almaı qaldyq. Búgin túngi saǵat 3-te otyrǵannan tańǵy 8-ge deıin tek ochet jazýmen otyrdym. Pandemıa, koronavırýstyń jańa tolqyny, aýyr naýqastar, naýqastardyń analızin qaraý jaıyna qaldy, tańǵy 6-ǵa deıin ochet jiberýiń kerek. Ochet bolǵanda bir ochet bolsa meıli ǵoı, bir jazǵan naýqasyńdy, týǵan jyly, jynysy, turatyn jeri, emhana tirkelgen jeri, aýyrǵan kýni, aýrýhanaǵa túsken kúni, reanımasıaǵa túsken kúni, PSR nátıjesin, jaǵdaıyn, IVL bar-joǵy, KT nátıjesin, sonyń bárin Ekselde úsh jerge jazyp shyǵasyń.
Sosyn qorytyndy, tórtinshi ochet retinde onyń koronavırýs PSR oń, PSR teristerdi bólip alyp, onyń ishindegi aýyr naýqastardy, óte aýyr naýqastardan aıyryp, olardyń ishinde IVL-degisin, IVL-de joǵyn, jalpy naýqastardyń prosenttik qatynasyn shyǵarasyń. Osynyń bárin táýligine eki ret, keshki alty men tańǵy altyǵa deıin jiberýiń kerek.
Ortalyq táýligine bir ret ótken táýlikke qorytyndy shyǵarady, ne úshin eki ret esep alatyny túsiniksiz.
Odan qalsa óziń qaraýyń kerek, shamamen 6 naýqasqa táýligine 4 retten 24 kúndelik jazasyń. Eshe olarǵa analızderin kórip, taǵaıyndaýlar berý kerek. Qysqasy, kompúterden bas almaısyń.
Onyń ústine, bizdiń qaraýlar sovetskıı eski ádispen: kórseń de kórmeseń de shashynan bastap, bashpaıyna deıin anyqtap jazyp shyǵýyn kerek. Ol kerek pe, kerek emes pe, eshkimge qyzyq emes, bastysy jazýly bolýy kerek.
Emhanaǵa barǵanda dáriger sizge emes, kompúterge qarap asyǵyp jazyp jatqanyn kórdińiz be? Vot, sol siz shyqqansha sizdiń barlyq jerińizdi kórse de kórmese de sýrettep jazyp shyǵýy kerek. Kimdi aldap júrmiz?
Germanıada da bar kúndelik degen, biraq naqty fakti jazasyń, mysalǵa qan qysymy 150-den kóterilse bir tabletka Kaptoprıl beresiń, qan qysymy 150/90 bolsa bir tabletka Kaptoprıl dep jazasyń, bitti.
Bizde naýqastyn sanasynan bastap, ishi, ókpesi, zárin bárin jazyp bir tabletka Kaptoprıl dep jazýyń kerek. Laboratorıa men baǵdarlama arasynda baılanys joq, laboranttar bárin qolmen terip otyrady. Bir sózben Qaǵazystan, deıdi ol.
