سول كەزدە بۇكىل مەديكتەر، لابورانتتار راقمەت ايتادى!
سيفرلى مەديسينا دەگەندە دارىگەرلەر مەن مەدبيكە، لابوراتوريا قىزمەتكەرلەرى قاعازباستىلىقتان قۇتىلىپ، تەك ناۋقاسپەن اينالىسۋ كەرەك. ءبىز قايتا سيفرلى مەديسينا باستالعالى قاعازدان باس كوتەرە الماي قالدىق. بۇگىن تۇنگى ساعات 3-تە وتىرعاننان تاڭعى 8-گە دەيىن تەك وچەت جازۋمەن وتىردىم. پاندەميا، كوروناۆيرۋستىڭ جاڭا تولقىنى، اۋىر ناۋقاستار، ناۋقاستاردىڭ ءاناليزىن قاراۋ جايىنا قالدى، تاڭعى 6-عا دەيىن وچەت جىبەرۋىڭ كەرەك. وچەت بولعاندا ءبىر وچەت بولسا مەيلى عوي، ءبىر جازعان ناۋقاسىڭدى، تۋعان جىلى، جىنىسى، تۇراتىن جەرى، ەمحانا تىركەلگەن جەرى، اۋىرعان كۋنى، اۋرۋحاناعا تۇسكەن كۇنى، رەانيماسياعا تۇسكەن كۇنى، پسر ناتيجەسىن، جاعدايىن، يۆل بار-جوعى، كت ناتيجەسىن، سونىڭ ءبارىن ەكسەلدە ءۇش جەرگە جازىپ شىعاسىڭ.
سوسىن قورىتىندى، ءتورتىنشى وچەت رەتىندە ونىڭ كوروناۆيرۋس پسر وڭ، پسر تەرىستەردى ءبولىپ الىپ، ونىڭ ىشىندەگى اۋىر ناۋقاستاردى، وتە اۋىر ناۋقاستاردان ايىرىپ، ولاردىڭ ىشىندە يۆل-دەگىسىن، يۆل-دە جوعىن، جالپى ناۋقاستاردىڭ پروسەنتتىك قاتىناسىن شىعاراسىڭ. وسىنىڭ ءبارىن تاۋلىگىنە ەكى رەت، كەشكى التى مەن تاڭعى التىعا دەيىن جىبەرۋىڭ كەرەك.
ورتالىق تاۋلىگىنە ءبىر رەت وتكەن تاۋلىككە قورىتىندى شىعارادى، نە ءۇشىن ەكى رەت ەسەپ الاتىنى تۇسىنىكسىز.
ودان قالسا ءوزىڭ قاراۋىڭ كەرەك، شامامەن 6 ناۋقاسقا تاۋلىگىنە 4 رەتتەن 24 كۇندەلىك جازاسىڭ. ەششە ولارعا اناليزدەرىن كورىپ، تاعايىنداۋلار بەرۋ كەرەك. قىسقاسى، كومپيۋتەردەن باس المايسىڭ.
ونىڭ ۇستىنە، ءبىزدىڭ قاراۋلار سوۆەتسكيي ەسكى ادىسپەن: كورسەڭ دە كورمەسەڭ دە شاشىنان باستاپ، باشپايىنا دەيىن انىقتاپ جازىپ شىعۋىن كەرەك. ول كەرەك پە، كەرەك ەمەس پە، ەشكىمگە قىزىق ەمەس، باستىسى جازۋلى بولۋى كەرەك.
ەمحاناعا بارعاندا دارىگەر سىزگە ەمەس، كومپيۋتەرگە قاراپ اسىعىپ جازىپ جاتقانىن كوردىڭىز بە؟ ۆوت، سول ءسىز شىققانشا ءسىزدىڭ بارلىق جەرىڭىزدى كورسە دە كورمەسە دە سۋرەتتەپ جازىپ شىعۋى كەرەك. كىمدى الداپ ءجۇرمىز؟
گەرمانيادا دا بار كۇندەلىك دەگەن، ءبىراق ناقتى فاكتى جازاسىڭ، مىسالعا قان قىسىمى 150-دەن كوتەرىلسە ءبىر تابلەتكا كاپتوپريل بەرەسىڭ، قان قىسىمى 150/90 بولسا ءبىر تابلەتكا كاپتوپريل دەپ جازاسىڭ، ءبىتتى.
بىزدە ناۋقاستىن ساناسىنان باستاپ، ءىشى، وكپەسى، ءزارىن ءبارىن جازىپ ءبىر تابلەتكا كاپتوپريل دەپ جازۋىڭ كەرەك. لابوراتوريا مەن باعدارلاما اراسىندا بايلانىس جوق، لابورانتتار ءبارىن قولمەن تەرىپ وتىرادى. ءبىر سوزبەن قاعازىستان، دەيدى ول.
