Búgin sot otyrysynda advokat Nurlan Beisekeev osylai dedi, dep habarlaidy Dalanews.kz.
Buǵan deiin Birtanovqa KVI diagnozy anyqtalǵanda sanitarlyq aviatsiia ushaǵyn paidalandy degen taǵy bir aiyp taǵylǵan.
Eks-Densaýlyq saqtaý ministriniń advokaty sot otyrysynda ótken jyly Eljan Birtanovtyń Tarazǵa saparynan qaitarda jumys toby múshelerimen nege birge oralmaǵanyn, sanitarlyq aviatsiia kóligimen Nur-Sultanǵa jetkenin túsindirdi.
"Birtanovtyń QR Qylmystyq kodeksiniń 361-babymen sanitarlyq aviatsiia ushaǵyn qoldaný kúdigine toqtalatyn bolsaq, men kelesini talap etkim keledi: bul qylmystyq is QR Qylmystyq kodeksiniń 34-babyndaǵy talaptarǵa qaramastan qozǵalǵan, al ol boiynsha asa qajettilik jaǵdaida bul qylmystyq quqyq buzýshylyq bolyp tabylmaidy.
Iaǵni, osy adamnyń nemese basqa adamdardyń ómirine, densaýlyǵyna, quqyqtary men zańdy múddelerine, sondai-aq qoǵamnyń nemese memlekettiń múddelerine tikelei qater tóndiretin qaýipti joiý maqsaty boldy ol arada. Eger bul qaýipti basqa tásildermen joiý múmkin bolmasa ári qajetti shekten asý oryn almasa", – dep túsindirdi Beisekeev.
Ol Premer-ministr Asqar Maminniń 2020 jylǵy 12-13 maýsym aralyǵyndaǵy jumys saparynyń baǵdarlamasyna sáikes, Birtanovtyń ortalyǵy Taraz qalasy bolyp tabylatyn Jambyl oblysynda jumys tobynyń quramynda bolǵanyn eske túsirdi.
Bul sapardyń maqsattarynyń biri - Qordai óńirine barý, Premer-ministrdi jáne jumys tobynyń múshelerin Biologiialyq qaýipsizdik ǵylymi-zertteý institýtynyń jumysymen, biologiialyq ónimderge arnalǵan biofarmatsevtikalyq zaýyttyń qurylysymen jáne basqa da meditsinalyq mekemelerdiń qurylys tanystyrý.
"Belgilengen erejelerge sáikes, osy aimaqqa saparynda delegatsiianyń barlyq múshelerin Nur-Sultannan ary-beri áýe jolymen tasý qamtyldy. Ashyq aqparat kózderinen osy sapar kezinde Birtanovtyń COVID-19 virýsymen aýyrǵany belgili, bul diagnozdy 2020 jyly 13 maýsymynda Qazaqstan Respýblikasy Prezidenti Ákimshiliginiń meditsinalyq ortalyǵy rastady", - dedi ol.
Osy saraptama nátijeleri boiynsha Birtanov Nur-Sultan qalalyq modýldik juqpaly aýrýlar aýrýhanasyna jatqyzyldy, oǵan eki jaqty asqynǵan pnevmoniia diagnozy qoiyldy, keiin densaýlyǵynyń nasharlaýyna bailanysty ol ulttyq kardiologiia ortalyǵyna aýystyryldy.
Ol munda 2020 jyldyń 23 maýsymyna deiin emdeldi.
"Ókinishke orai, bul jaǵdaida QR Qylmystyq kodeksiniń 34-babyndaǵy talaptarǵa sáikes, tergeý organdary bastapqyda tiisti durys baǵa bermegenin málimdeimin.
Birtanovtyń jumys tobynyń múshelerimen bir ushaqta Nur-Sultanǵa oralýǵa quqyǵy bolǵan joq, óitkeni infektsiiany juqtyrý qaýpi joǵary boldy.
Ol arada QR Premer-ministri men Ministrler kabinetiniń ózge músheleri boldy. Elimizde virýstyń taralý deńgeiiniń artýyna bailanysty sol qiyn kezeńde Premer-ministrdiń COVID-19 infektsiiasyn juqtyrýy búkil Ministrler kabinetiniń jumysy úshin aýyr zardapqa ákelip soqtyrýy múmkin edi, óitkeni Prezident Úkimet basshysy men Densaýlyq saqtaý ministrine, shtab basshylyǵyna koronavirýstyń taralýyn boldyrmaýdy, elde jariialanǵan tótenshe jaǵdailar kezinde halyqty qoldaýǵa baǵyttalǵan shuǵyl sharalardy qabyldaýdy tapsyryp, odan zor úmit kútip otyrǵan edi", - dedi zańger .
Onyń aitýynsha, Birtanov jolaýshylarǵa aýrý juqtyrý qaýpi joǵary bolǵandyqtan, basqa da kólik quralymen Nur-Sultanǵa orala almaityn edi.
Úkimet múshesi retinde onyń óziniń turaqty jumys oryny, meditsinalyq mekemege tirkelý oryny - Nur-Sultanǵa oralmaýǵa quqyǵy bolǵan joq. Sondyqtan Birtanovty sanitarlyq aviatsiiamen Tarazdan Nur-Sultanǵa jetkizý eldegi tótenshe jaǵdailarǵa bailanysty májbúrli shara boldy, - dep sózin qorytyndylady Beisekev.
Sondai-aq, bul jaǵdaidy Eljan Birtanovtyń aǵasy Erjan Birtanov ta shuǵyl shara ekenin atai kele, onyń premer-ministrdiń, delegatsiia músheleriniń densaýlyǵyna qaýip tóndirgisi kelmegenin rastady.
