بۇگىن سوت وتىرىسىندا ادۆوكات نۇرلان بەيسەكەيەۆ وسىلاي دەدى، دەپ حابارلايدى Dalanews.kz.
بۇعان دەيىن ءبىرتانوۆقا كۆي دياگنوزى انىقتالعاندا سانيتارلىق اۆياسيا ۇشاعىن پايدالاندى دەگەن تاعى ءبىر ايىپ تاعىلعان.
ەكس-دەنساۋلىق ساقتاۋ ءمينيسترىنىڭ ادۆوكاتى سوت وتىرىسىندا وتكەن جىلى ەلجان ءبىرتانوۆتىڭ تارازعا ساپارىنان قايتاردا جۇمىس توبى مۇشەلەرىمەن نەگە بىرگە ورالماعانىن، سانيتارلىق اۆياسيا كولىگىمەن نۇر-سۇلتانعا جەتكەنىن ءتۇسىندىردى.
"ءبىرتانوۆتىڭ ق ر قىلمىستىق كودەكسىنىڭ 361-بابىمەن سانيتارلىق اۆياسيا ۇشاعىن قولدانۋ كۇدىگىنە توقتالاتىن بولساق، مەن كەلەسىنى تالاپ ەتكىم كەلەدى: بۇل قىلمىستىق ءىس ق ر قىلمىستىق كودەكسىنىڭ 34-بابىنداعى تالاپتارعا قاراماستان قوزعالعان، ال ول بويىنشا اسا قاجەتتىلىك جاعدايدا بۇل قىلمىستىق قۇقىق بۇزۋشىلىق بولىپ تابىلمايدى.
ياعني، وسى ادامنىڭ نەمەسە باسقا ادامداردىڭ ومىرىنە، دەنساۋلىعىنا، قۇقىقتارى مەن زاڭدى مۇددەلەرىنە، سونداي-اق قوعامنىڭ نەمەسە مەملەكەتتىڭ مۇددەلەرىنە تىكەلەي قاتەر توندىرەتىن ءقاۋىپتى جويۋ ماقساتى بولدى ول ارادا. ەگەر بۇل ءقاۋىپتى باسقا تاسىلدەرمەن جويۋ مۇمكىن بولماسا ءارى قاجەتتى شەكتەن اسۋ ورىن الماسا"، – دەپ ءتۇسىندىردى بەيسەكەيەۆ.
ول پرەمەر-مينيستر اسقار ءماميننىڭ 2020 جىلعى 12-13 ماۋسىم ارالىعىنداعى جۇمىس ساپارىنىڭ باعدارلاماسىنا سايكەس، ءبىرتانوۆتىڭ ورتالىعى تاراز قالاسى بولىپ تابىلاتىن جامبىل وبلىسىندا جۇمىس توبىنىڭ قۇرامىندا بولعانىن ەسكە ءتۇسىردى.
بۇل ساپاردىڭ ماقساتتارىنىڭ ءبىرى - قورداي وڭىرىنە بارۋ، پرەمەر-مينيستردى جانە جۇمىس توبىنىڭ مۇشەلەرىن بيولوگيالىق قاۋىپسىزدىك عىلىمي-زەرتتەۋ ينستيتۋتىنىڭ جۇمىسىمەن، بيولوگيالىق ونىمدەرگە ارنالعان بيوفارماسيەۆتيكالىق زاۋىتتىڭ قۇرىلىسىمەن جانە باسقا دا مەديسينالىق مەكەمەلەردىڭ قۇرىلىس تانىستىرۋ.
"بەلگىلەنگەن ەرەجەلەرگە سايكەس، وسى ايماققا ساپارىندا دەلەگاسيانىڭ بارلىق مۇشەلەرىن نۇر-سۇلتاننان ارى-بەرى اۋە جولىمەن تاسۋ قامتىلدى. اشىق اقپارات كوزدەرىنەن وسى ساپار كەزىندە ءبىرتانوۆتىڭ COVID-19 ۆيرۋسىمەن اۋىرعانى بەلگىلى، بۇل دياگنوزدى 2020 جىلى 13 ماۋسىمىندا قازاقستان رەسپۋبليكاسى پرەزيدەنتى اكىمشىلىگىنىڭ مەديسينالىق ورتالىعى راستادى"، - دەدى ول.
وسى ساراپتاما ناتيجەلەرى بويىنشا ءبىرتانوۆ نۇر-سۇلتان قالالىق مودۋلدىك جۇقپالى اۋرۋلار اۋرۋحاناسىنا جاتقىزىلدى، وعان ەكى جاقتى اسقىنعان پنيەۆمونيا دياگنوزى قويىلدى، كەيىن دەنساۋلىعىنىڭ ناشارلاۋىنا بايلانىستى ول ۇلتتىق كارديولوگيا ورتالىعىنا اۋىستىرىلدى.
ول مۇندا 2020 جىلدىڭ 23 ماۋسىمىنا دەيىن ەمدەلدى.
"وكىنىشكە وراي، بۇل جاعدايدا ق ر قىلمىستىق كودەكسiءنىڭ 34-بابىنداعى تالاپتارعا سايكەس، تەرگەۋ ورگاندارى باستاپقىدا ءتيىستى دۇرىس باعا بەرمەگەنىن مالىمدەيمىن.
ءبىرتانوۆتىڭ جۇمىس توبىنىڭ مۇشەلەرىمەن ءبىر ۇشاقتا نۇر-سۇلتانعا ورالۋعا قۇقىعى بولعان جوق، ويتكەنى ينفەكسيانى جۇقتىرۋ ءقاۋپى جوعارى بولدى.
ول ارادا ق ر پرەمەر-مينيسترى مەن مينيسترلەر كابينەتىنىڭ وزگە مۇشەلەرى بولدى. ەلىمىزدە ۆيرۋستىڭ تارالۋ دەڭگەيىنىڭ ارتۋىنا بايلانىستى سول قيىن كەزەڭدە پرەمەر-مينيستردىڭ COVID-19 ينفەكسياسىن جۇقتىرۋى بۇكىل مينيسترلەر كابينەتىنىڭ جۇمىسى ءۇشىن اۋىر زارداپقا اكەلىپ سوقتىرۋى مۇمكىن ەدى، ويتكەنى پرەزيدەنت ۇكىمەت باسشىسى مەن دەنساۋلىق ساقتاۋ مينيسترىنە، شتاب باسشىلىعىنا كوروناۆيرۋستىڭ تارالۋىن بولدىرماۋدى، ەلدە جاريالانعان توتەنشە جاعدايلار كەزىندە حالىقتى قولداۋعا باعىتتالعان شۇعىل شارالاردى قابىلداۋدى تاپسىرىپ، ودان زور ءۇمىت كۇتىپ وتىرعان ەدى"، - دەدى زاڭگەر .
ونىڭ ايتۋىنشا، ءبىرتانوۆ جولاۋشىلارعا اۋرۋ جۇقتىرۋ ءقاۋپى جوعارى بولعاندىقتان، باسقا دا كولىك قۇرالىمەن نۇر-سۇلتانعا ورالا المايتىن ەدى.
ۇكىمەت مۇشەسى رەتىندە ونىڭ ءوزىنىڭ تۇراقتى جۇمىس ورىنى، مەديسينالىق مەكەمەگە تىركەلۋ ورىنى - نۇر-سۇلتانعا ورالماۋعا قۇقىعى بولعان جوق. سوندىقتان ءبىرتانوۆتى سانيتارلىق اۆياسيامەن تارازدان نۇر-سۇلتانعا جەتكىزۋ ەلدەگى توتەنشە جاعدايلارعا بايلانىستى ءماجبۇرلى شارا بولدى، - دەپ ءسوزىن قورىتىندىلادى بەيسەكيەۆ.
سونداي-اق، بۇل جاعدايدى ەلجان ءبىرتانوۆتىڭ اعاسى ەرجان ءبىرتانوۆ تا شۇعىل شارا ەكەنىن اتاي كەلە، ونىڭ پرەمەر-مينيستردىڭ، دەلەگاسيا مۇشەلەرىنىڭ دەنساۋلىعىنا ءقاۋىپ توندىرگىسى كەلمەگەنىن راستادى.
