Birneshe óńirde dinı ekstremıster ustaldy, - dep habarlaıdy Dalanews.kz.
Osy jyldyń 7 qarashasynda Ulttyq qaýipsizdik komıteti Almaty oblystyq prokýratýrasynyń úılestirýimen polısıa organdarynyń qatysýymen Almatyda, Almaty jáne Ulytaý oblystarynda dinı-ekstremıstik áreketterdi uıymdastyrdy degen kúdikpen 5 qazaqstandyq azamatty ustady.
Budan bólek, tyıym salynǵan uıymnyń áreketine qatysqandyǵy belgileri boıynsha 17 adamǵa «shyǵýǵa bolmaıtyndyǵy týraly qol qoıý» túrinde bultartpaý sharasy qoldanylǵan.
Fıgýranttardyń turǵylyqty jerlerin tintý barysynda dinı ádebıetter men basqa da zattaı dáleldemeler alyndy.
Olardyń tórteýi buryn ekstremıstik qylmystar jasaǵany úshin sottyly bolǵan, al toǵyzyna tyıym salynǵan uıymnyń qyzmetine qatysýǵa jol berilmeıtini týraly resmı eskertýler berilgen.
Qylmystyq kodekstiń 405-baby 1 jáne 2-bólikteri boıynsha sotqa deıingi tergep-tekserý júrgizilýde.
Qylmystyq-prosestik kodekstiń 201-baby 1-bóligine sáıkes ózge aqparat jarıa etýge jatpaıdy.
