بىرنەشە وڭىردە ءدىني ەكسترەميستەر ۇستالدى، - دەپ حابارلايدى Dalanews.kz.
وسى جىلدىڭ 7 قاراشاسىندا ۇلتتىق قاۋىپسىزدىك كوميتەتى الماتى وبلىستىق پروكۋراتۋراسىنىڭ ۇيلەستىرۋىمەن پوليسيا ورگاندارىنىڭ قاتىسۋىمەن الماتىدا، الماتى جانە ۇلىتاۋ وبلىستارىندا دىني-ەكسترەميستىك ارەكەتتەردى ۇيىمداستىردى دەگەن كۇدىكپەن 5 قازاقستاندىق ازاماتتى ۇستادى.
بۇدان بولەك، تىيىم سالىنعان ۇيىمنىڭ ارەكەتىنە قاتىسقاندىعى بەلگىلەرى بويىنشا 17 ادامعا «شىعۋعا بولمايتىندىعى تۋرالى قول قويۋ» تۇرىندە بۇلتارتپاۋ شاراسى قولدانىلعان.
فيگۋرانتتاردىڭ تۇرعىلىقتى جەرلەرىن ءتىنتۋ بارىسىندا ءدىني ادەبيەتتەر مەن باسقا دا زاتتاي دالەلدەمەلەر الىندى.
ولاردىڭ تورتەۋى بۇرىن ەكسترەميستىك قىلمىستار جاساعانى ءۇشىن سوتتىلى بولعان، ال توعىزىنا تىيىم سالىنعان ۇيىمنىڭ قىزمەتىنە قاتىسۋعا جول بەرىلمەيتىنى تۋرالى رەسمي ەسكەرتۋلەر بەرىلگەن.
قىلمىستىق كودەكستىڭ 405-بابى 1 جانە 2-بولىكتەرى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
قىلمىستىق-پروسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى.
