Almatyda avtobýsta birneshe turǵyn sheteldik azamatty soqqyǵa jyqqan, dep habarlaidy Dalanews.kz.
Áleýmettik jelilerde taralǵan, Almaty qalasyndaǵy qoǵamdyq kólikterdiń birinde buzaqylyq sipatyndaǵy áreket beinelengen beinejazbaǵa bailanysty politsiia tarapynan jedel túrde tekserý jáne izdestirý sharalary bastaldy.
Oqiǵa 18 jeltoqsanda bolǵan. Bul derek boiynsha politsiia organdaryna resmi aryz-shaǵym nemese habarlama túspegen. Qoǵamdyq kólik júrgizýshisi jolaýshylardyń qaýipsizdigin qamtamasyz etý maqsatynda der kezinde shara qoldanyp, tártip buzýshyny avtobýstan túsirgen.
Sonymen qatar, atalǵan buzaqylyq faktisi boiynsha qylmystyq is qozǵaldy. Qazirgi ýaqytta kúdiktini anyqtaý jáne ustaýǵa baǵyttalǵan jedel-izdestirý is-sharalary júrgizilýde. Sondai-aq avtobýsta bolǵan shetel azamatynyń jáne ózge de tulǵalardyń jeke basy anyqtalýda.
Politsiia qoǵamdyq tártipti óreskel buzatyn, qoǵamǵa ashyq túrde qurmetsizdik tanytatyn, jalpyǵa ortaq minez-qulyq normalaryna qaishy keletin dóreki ári arsyz áreketter úshin zańnamada ákimshilik te, qylmystyq ta jaýapkershilik kózdelgenin eske salady.
