Birliktegi is-sharalar legi
Atalmysh sharaǵa Jambyl oblysy ákimdiginiń Din problemalaryn zertteý ortalyǵynyń Shý aýdany boiynsha inspektory Baqyt Nurlyhanov, Shý aýdany ákimdigi ishki saiasat bóliminiń «Jastar resýrstyq ortalyǵynyń» din máseleleri jónindegi inspektory, teolog Myrzabek Smailov, Birlik aýyldyq okrýginiń aqsaqaldar alqasynyń tóraǵasy Baijan Shymbolatov, aýyl imamy Medet Jumataev jáne aqsaqaldar alqasynyń músheleri qatysty. Shynyn aitý kerek, qazir memleket tarapynan dini ekstremizm men terrorizmge qarsy batyl is-sharalar qolǵa alynýda. Teris piǵyldy dini aǵymdardyń qoǵamǵa ziiany týraly úgit-nasihat ta jiilei tústi. Baiqasaq, jat aǵymnyń jeteginde ketkenderdiń basym kópshiligi jastar ekenin ańǵarý qiyn emes. Jurtqa teris piǵyldy dini aǵymdar týraly aitqanda, kóbine onyń ziiany, zardaby aitylady da, adamdardyń, ásirese, jastardyń osy aǵymdardyń jeteginde ketý sebepteri kómeski qalady. Sondyqtan, atalǵan kezdesý barysynda búgingi jastardyń dini saýaty men olardyń teris aǵymdarǵa bet burýy jónindegi máseleleri qaralyp, jan-jaqty talqylandy.
Sonymen qatar, dál osy kúni Birlik aýyldyq okrýginiń jastar isi jónindegi inspektorynyń uiymdastyrýymen kishi fýtboldan týrnir bolyp ótti. «Jastar sybailas jemqorlyqqa qarsy» atty taqyryppen ótkizilgen jarystyń maqsaty – aýyl jastarynyń buqaralyq sportqa degen qyzyǵýshylyǵyn arttyryp, salaýatty ómir saltyn ustanýǵa shaqyrý. Jalpy, aýdan jastarynyń arasyndaǵy týrnirge bas-aiaǵy alty komanda qatysyp, ózara baq synasty. Nátijesinde, birinshi oryndy «97 jylǵy jastar» komandasy ielense, «Mamyt» komandasy ekinshi orynnan kórindi. Al, «Stýdentter» komandasy úshinshi orynǵa qol jetkizdi. Sonymen birge, týrnir barysynda kózge túsken Ermahan Nurjanuly«Úzdik qaqpashy» nominatsiiasy boiynsha marapattalsa, Sanat Talǵatuly «Úzdik oiynshy» atandy. Oǵan qosa, jarysta eń kóp gol soqqan Samat Súndetbaev «Úzdik shabýyldaýshy» nominatsiiasyn qanjyǵasyna bailady. Jarys sońynda júldeli oryndarǵa ie bolǵan komandalarǵa aýyl ákimi Erbol Qosahov baǵaly syilyqtar men arnaiy diplomdardy tabys etti.
