اتالمىش شاراعا جامبىل وبلىسى اكىمدىگىنىڭ ءدىن پروبلەمالارىن زەرتتەۋ ورتالىعىنىڭ شۋ اۋدانى بويىنشا ينسپەكتورى باقىت نۇرلىحانوۆ، شۋ اۋدانى اكىمدىگى ىشكى ساياسات ءبولىمىنىڭ «جاستار رەسۋرستىق ورتالىعىنىڭ» ءدىن ماسەلەلەرى جونىندەگى ينسپەكتورى، تەولوگ مىرزابەك سمايلوۆ، بىرلىك اۋىلدىق وكرۋگىنىڭ اقساقالدار القاسىنىڭ ءتوراعاسى بايجان شىمبولاتوۆ، اۋىل يمامى مەدەت جۇماتايەۆ جانە اقساقالدار القاسىنىڭ مۇشەلەرى قاتىستى. شىنىن ايتۋ كەرەك، ءقازىر مەملەكەت تاراپىنان ءدىني ەكسترەميزم مەن تەرروريزمگە قارسى باتىل ءىس-شارالار قولعا الىنۋدا. تەرىس پيعىلدى ءدىني اعىمداردىڭ قوعامعا زيانى تۋرالى ۇگىت-ناسيحات تا جيىلەي ءتۇستى. بايقاساق، جات اعىمنىڭ جەتەگىندە كەتكەندەردىڭ باسىم كوپشىلىگى جاستار ەكەنىن اڭعارۋ قيىن ەمەس. جۇرتقا تەرiس پيعىلدى دiني اعىمدار تۋرالى ايتقاندا، كوبiنە ونىڭ زيانى، زاردابى ايتىلادى دا، ادامداردىڭ، ءاسiرەسە، جاستاردىڭ وسى اعىمداردىڭ جەتەگiندە كەتۋ سەبەپتەرi كومەسكi قالادى. سوندىقتان، اتالعان كەزدەسۋ بارىسىندا بۇگىنگى جاستاردىڭ ءدىني ساۋاتى مەن ولاردىڭ تەرىس اعىمدارعا بەت بۇرۋى جونىندەگى ماسەلەلەرى قارالىپ، جان-جاقتى تالقىلاندى.
سونىمەن قاتار، ءدال وسى كۇنى بىرلىك اۋىلدىق وكرۋگىنىڭ جاستار ءىسى جونىندەگى ينسپەكتورىنىڭ ۇيىمداستىرۋىمەن كىشى فۋتبولدان تۋرنير بولىپ ءوتتى. «جاستار سىبايلاس جەمقورلىققا قارسى» اتتى تاقىرىپپەن وتكىزىلگەن جارىستىڭ ماقساتى – اۋىل جاستارىنىڭ بۇقارالىق سپورتقا دەگەن قىزىعۋشىلىعىن ارتتىرىپ، سالاۋاتتى ءومىر سالتىن ۇستانۋعا شاقىرۋ. جالپى، اۋدان جاستارىنىڭ اراسىنداعى تۋرنيرگە باس-اياعى التى كوماندا قاتىسىپ، ءوزارا ب ا ق سىناستى. ناتيجەسىندە، ءبىرىنشى ورىندى «97 جىلعى جاستار» كومانداسى يەلەنسە، «مامىت» كومانداسى ەكىنشى ورىننان كورىندى. ال، «ستۋدەنتتەر» كومانداسى ءۇشىنشى ورىنعا قول جەتكىزدى. سونىمەن بىرگە، تۋرنير بارىسىندا كوزگە تۇسكەن ەرماحان نۇرجان ۇلى«ۇزدىك قاقپاشى» نوميناسياسى بويىنشا ماراپاتتالسا، سانات تالعات ۇلى «ۇزدىك ويىنشى» اتاندى. وعان قوسا، جارىستا ەڭ كوپ گول سوققان سامات سۇندەتبايەۆ «ۇزدىك شابۋىلداۋشى» نوميناسياسىن قانجىعاسىنا بايلادى. جارىس سوڭىندا جۇلدەلى ورىندارعا يە بولعان كوماندالارعا اۋىل اكىمى ەربول قوساحوۆ باعالى سىيلىقتار مەن ارنايى ديپلومداردى تابىس ەتتى.
