Pasha merekesi qarsańynda elordanyń Dostyq úiinde Pasha jumyrtqalaryn boiaý jáne Pasha bálishterine qamyr jasaý boiynsha erekshe sheberlik sabaǵy ótti. Oǵan erekshe qajettilikteri bar balalar men túrli etnos ókilderi qatysty, dep habarlaidy elorda ákimdiginiń resmi saity.
Is-sharany Astana qalasynyń Qazaqstan halqy assambleiasy janyndaǵy Analar Keńesi uiymdastyrdy.
Balalar shetka, qaryndash, applikatsiialar jáne basqa da sándik materialdardy paidalanyp, Pasha jumyrtqalaryn boiaýdy úirendi. Olar sondai-aq Pasha bálishterine qamyr daiyndaýǵa qatysyp, erekshe retsepterdi úirendi. Master-klasstyń kórkin túrli táttiler arttyra tústi. Olardyń arasynda meiiz qosylǵan Pasha bálishteri, súzbe pasha torty jáne boialǵan jumyrtqalar bar.
«Bul keremet! Men barsha qazaqstandyqty Pasha merekesimen quttyqtaimyn jáne olarǵa baqyt, jaqsylyq jáne biik shyńdardy baǵyndyrýdy tileimin!» – dep óz áserimen bólisti master-klass qatysýshylarynyń biri Kirill Chernov.
Is-shara Dostyq úiinde ótken merekelik kezdesýlerdiń jalǵasy boldy. Jaqynda munda Naýryz merekesi toilansa, endi túrli mádeniet ókilderi bir dastarhannyń basynda taǵy da bas qosty – bul joly Pasha merekesine orai.
«Biz Qazaqstanda bar barlyq merekelerdi toilaimyz. Maqsat – barlyq etnosty bir shańyraq astyna biriktirý. Búgin bizge erekshe balalar kelip otyr, olardyń emotsiialaryna qaraǵanda bul is-shara olarǵa óte unady», - deidi Dostyq úii direktorynyń orynbasary Kameta Ibraeva.
Uiymdastyrýshylardyń aitýynsha, mundai formatta Pasha sheberlik sabaǵy alǵash ret ótti. Ol Qazaqstan halqy assambleiasynyń 30 jyldyǵyna arnalǵan is-sharalardyń bir bóligi boldy. Josparda etnosaralyq birlikti nyǵaitýǵa jáne toleranttylyq mádenietin damytýǵa baǵyttalǵan jańa kezdesýler men shyǵarmashylyq sharalardy ótkizý bar.
