Qazaqstanda aerotaksi qyzmetiniń quny shamamen bir shaqyrymǵa 1 dollar bolýy múmkin. Bul týraly premer-ministrdiń orynbasary Qanat Bozymbaev aitty, dep habarlaidy dalanews.kz.
Onyń sózinshe, eger baǵyt 15 shaqyrym bolsa, jol aqysy shamamen 15 dollar bolady.
Bozymbaev aldaǵy ýaqytta ushqyshsyz ushý apparattary kádimgi avtokólik sekildi úirenshikti kólik túrine ainalatynyn atap ótti. Onyń aitýynsha, mundai tehnologiialar birtindep kúndelikti ómirge enip, qalaishilik qatynasta keńinen qoldanylýy múmkin.
Eske salaiyq, Alataý qalasynda Ortalyq Aziiadaǵy alǵashqy eVTOL aerotaksiiniń demonstratsiialyq ushýy ótti. Aspanǵa tik kóterilgen elektrli apparat jinalǵan jurttyń nazaryn birden ózine aýdardy. Ádettegi tikushaqtai gúrildegen dybys joq. Aspanǵa baiaý kóterilgen apparat ainalyp ushyp ótken sátte kópshilik telefondaryn kóterip, tarihi kadrdy túsirip álek boldy. Uiymdastyrýshylar atalǵan jobany jai ǵana tehnologiialyq shoý emes, Qazaqstandaǵy jańa kólik indýstriiasynyń bastamasy retinde tanystyrdy.
