Hýnan provintsiiasynda júrgizilgen zertteý kezinde geologtar asa iri altyn qoryn anyqtaǵan. Aldyn ala málimet boiynsha, ken ornyndaǵy altyn kólemi 1000 tonnadan asýy múmkin. Mamandar onyń jalpy qunyn 80 milliard dollardan joǵary dep baǵalap otyr, dep habarlaidy dalanews.kz.
Zertteý Pintszian aýdanyndaǵy Vangý altyn kenishinde júrgizilgen. Ǵalymdar jer astynan 40-tan astam altyn qabatyn anyqtaǵan. Qazirgi esep boiynsha, tek 2 myń metr tereńdiktiń ózinde shamamen 300 tonna altyn bar. Al arnaiy 3D-modeldeý jumystary altyn qory budan da tereńde jalǵasýy múmkin ekenin kórsetken.
Sarapshylardyń aitýynsha, keibir ken quramyndaǵy altyn mólsheri óte joǵary. Mysaly, bir tonna jynystyń quramynan 138 gramǵa deiin altyn tabylǵan. Bul altyn óndirisindegi óte joǵary kórsetkishterdiń biri sanalady.
Eger zertteý nátijeleri tolyq rastalsa, bul ken orny álemdegi eń iri altyn kenishteriniń birine ainalýy múmkin. Mamandar onyń kólemi Ońtústik Afrikadaǵy áigili ken oryndarynan da asyp túsýi yqtimal ekenin aityp otyr.
Qytai qazirdiń ózinde altyn óndirý boiynsha álemdegi jetekshi elderdiń qatarynda. Soǵan qaramastan, elde altynǵa suranys joǵary bolǵandyqtan, Qytai áli de shetelden altyn importtaidy.
