پاسحا مەرەكەسٸ قارساڭىندا ەلوردانىڭ دوستىق ٷيٸندە پاسحا جۇمىرتقالارىن بوياۋ جەنە پاسحا بەلٸشتەرٸنە قامىر جاساۋ بويىنشا ەرەكشە شەبەرلٸك ساباعى ٶتتٸ. وعان ەرەكشە قاجەتتٸلٸكتەرٸ بار بالالار مەن تٷرلٸ ەتنوس ٶكٸلدەرٸ قاتىستى, دەپ حابارلايدى ەلوردا ەكٸمدٸگٸنٸڭ رەسمي سايتى.
ٸس-شارانى استانا قالاسىنىڭ قازاقستان حالقى اسسامبلەياسى جانىنداعى انالار كەڭەسٸ ۇيىمداستىردى.
بالالار ششەتكا, قارىنداش, اپپليكاتسييالار جەنە باسقا دا سەندٸك ماتەريالداردى پايدالانىپ, پاسحا جۇمىرتقالارىن بوياۋدى ٷيرەندٸ. ولار سونداي-اق پاسحا بەلٸشتەرٸنە قامىر دايىنداۋعا قاتىسىپ, ەرەكشە رەتسەپتەردٸ ٷيرەندٸ. ماستەر-كلاسستىڭ كٶركٸن تٷرلٸ تەتتٸلەر ارتتىرا تٷستٸ. ولاردىڭ اراسىندا مەيٸز قوسىلعان پاسحا بەلٸشتەرٸ, سٷزبە پاسحا تورتى جەنە بويالعان جۇمىرتقالار بار.
«بۇل كەرەمەت! مەن بارشا قازاقستاندىقتى پاسحا مەرەكەسٸمەن قۇتتىقتايمىن جەنە ولارعا باقىت, جاقسىلىق جەنە بيٸك شىڭداردى باعىندىرۋدى تٸلەيمٸن!» – دەپ ٶز ەسەرٸمەن بٶلٸستٸ ماستەر-كلاسس قاتىسۋشىلارىنىڭ بٸرٸ كيريلل چەرنوۆ.
ٸس-شارا دوستىق ٷيٸندە ٶتكەن مەرەكەلٸك كەزدەسۋلەردٸڭ جالعاسى بولدى. جاقىندا مۇندا ناۋرىز مەرەكەسٸ تويلانسا, ەندٸ تٷرلٸ مەدەنيەت ٶكٸلدەرٸ بٸر داستارحاننىڭ باسىندا تاعى دا باس قوستى – بۇل جولى پاسحا مەرەكەسٸنە وراي.
«بٸز قازاقستاندا بار بارلىق مەرەكەلەردٸ تويلايمىز. ماقسات – بارلىق ەتنوستى بٸر شاڭىراق استىنا بٸرٸكتٸرۋ. بٷگٸن بٸزگە ەرەكشە بالالار كەلٸپ وتىر, ولاردىڭ ەموتسييالارىنا قاراعاندا بۇل ٸس-شارا ولارعا ٶتە ۇنادى», - دەيدٸ دوستىق ٷيٸ ديرەكتورىنىڭ ورىنباسارى كامەتا يبراەۆا.
ۇيىمداستىرۋشىلاردىڭ ايتۋىنشا, مۇنداي فورماتتا پاسحا شەبەرلٸك ساباعى العاش رەت ٶتتٸ. ول قازاقستان حالقى اسسامبلەياسىنىڭ 30 جىلدىعىنا ارنالعان ٸس-شارالاردىڭ بٸر بٶلٸگٸ بولدى. جوسپاردا ەتنوسارالىق بٸرلٸكتٸ نىعايتۋعا جەنە تولەرانتتىلىق مەدەنيەتٸن دامىتۋعا باعىتتالعان جاڭا كەزدەسۋلەر مەن شىعارماشىلىق شارالاردى ٶتكٸزۋ بار.
